திரை விமர்சனம்

சத்தியவான் சாவித்திரி விமர்சனம்

கதை..

சீனியர் வழக்கறிஞர் மிஷ்கினிடம் ஜூனியராக பணிபுரிகிறார் கீர்த்தி சுரேஷ்.. ஒரு கட்டத்தில் அவரையே எதிர்க்க வேண்டிய சூழ்நிலை.. காரணம் கீர்த்தியின் கணவர் மீது கொலை பழி விழுகிறது..

கீர்த்தியின் கணவர் சாருகேசிதான் ஒரு பெண்ணை கொலை செய்தார் என்று மிஸ்கின் வாதாட தன் கணவர் குற்றமற்றவர் என நிரூபிக்க எதிர்த்து போராடுகிறார் கீர்த்தி சுரேஷ்..

இறுதியில் வழக்கு என்ன ஆனது.. ஷில்பா மஞ்சுநாத்தை கொன்றவர் யார்? சாருகேசி கொலை செய்யவில்லை என்றால் கொலையாளி யார்.? வாதாடி வழக்கில் ஜெயித்தது யார்.? என்பதெல்லாம் திரைக்கதை

நடிகர்கள்…

கதை நாயகி கீர்த்தி சுரேஷ்.. கணவனுக்காக வாதாடி வக்கீலை எதிர்த்து நிற்கும் துணிச்சல் பெற்ற கேரக்டரில் ஜொலிக்கிறார் கீர்த்தி.. அப்பாவி பெண் கேரக்டரில் ஆரம்பித்து கிளைமாக்ஸ் இல் அதிரடியான ட்விஸ்ட் கொடுத்து இருக்கிறார் கீர்த்தி..

தன்னிடம் பணிபுரிந்த ஜூனியர் தன்னையே ஜெயிப்பதா என ஆணவத்திலும் மிரட்டி இருக்கிறார் மிஷ்கின்..

கீர்த்தியின் கணவராக புதுமுகம் சாரிகேசி நடிப்பில் கவனிக்க வைக்கிறார்.. பிரிகிடா பிளாஷ்பேக்கில் வந்து கண்கலங்க வைக்க நடிப்பை கொடுத்திருக்கிறார்.. கொஞ்ச நேரமே வந்தாலும் சில்பா மஞ்சுநாத் ரசிகர்களை கவர்ச்சியில் கிறங்கடிக்கிறார்..

இவர்களுடன் ஒய் ஜி மகேந்திரன்.. தீபா ஷங்கர் ஆகியோரும் உண்டு..

தொழில்நுட்ப கலைஞர்கள்…

சாம் சி.எஸ் இசையமைத்திருக்கிறார்.. பின்னணி இசையில் மிரட்டி இருக்கிறார் முக்கியமாக கோர்ட்டில் மிஷ்கின் – கீர்த்தி வாதாடும் காட்சிகளில் ஒரு பதட்டத்தை இவரது இசை ஏற்படுத்தியிருக்கிறது..

ஒளிப்பதிவும் படத்தொகுப்பு நேர்த்தியாக அமைக்கப்பட்டுள்ளது..

பிரவீன் விஜய் இயக்கியிருக்கிறார்.. வழக்கமான கோர்ட் காட்சி போல தொடங்கினாலும் கிளைமாக்ஸ் காட்சியில் அதிரடியான திருப்பங்களை கொடுத்து அடடடா சாவித்திரி கிரேட் என்ன சொல்லும் அளவுக்கு திரைக்கதை அமைத்திருக்கிறார்..