அப்பா குட்டி விமர்சனம்..
கதை…
உறவினர் மற்றும் மனைவி என யாரும் இல்லாத நிலையில் குழந்தையை வளர்த்து வருகிறார் விஜய் ஆண்டனி.. குழந்தை படிக்கும் பள்ளியில் ஆசிரியராக பணிபுரிகிறார் ப்ரீத்திஅஸ்ராணி.. விஜய் ஆண்டனியின் கேரக்டர் பிடித்துப் போனதால் அவரிடம் தன் காதலை சொல்கிறார் பிரீத்தி.. ஆனால் காதலை ஏற்க மறுக்கிறார் விஜய் ஆண்டனி..
தன் மனைவி இறந்து விட்டதாக விஜய் ஆண்டனி சொன்னதை நம்பும் பிரீத்தி ஒரு கட்டத்தில் அவரை ஊட்டியில் சந்திக்கிறார்.. அப்படி என்றால் மனைவி இறந்து விட்டதாக விஜய் ஆண்டனி சொல்ல என்ன காரணம்.? குழந்தையை இவர் தானாக வளர்க்க என்ன காரணம்.? நடந்தது என்ன நடக்கப் போவது என்ன என்பதெல்லாம் மீதிக்கதை..
நடிகர்கள்…
விஜய் ஆண்டனி நடிப்பில் வந்திருக்கும் மற்றொரு குடும்ப செண்டிமெண்ட் திரைப்படம் இந்த அப்பா குட்டி.. தன் அப்பாவை அப்பா குட்டி என்று அழைக்கிறார் லிதன்யா இதுதான் படத்தின் டைட்டில் காரணம்..
செல்ல மகளுக்கு குழந்தைக்காக எதையும் செய்யும் பல தந்தையர்களின் உணர்வை பிரதிபலிக்கிறார் விஜய் ஆண்டனி.. பாசத்திற்காக இப்படி ஒரு தந்தை இறங்கி வருவாரா என விஜய் ஆண்டனி நடிப்பு கண்கலங்க வைக்கிறது…
குழந்தை இருக்கிற தந்தையை காதலிக்கலாம்.. மனைவி இருக்கிற கணவனை தான் காதலிக்க கூடாது என நெத்தியடி ஆசிரியராக பிரீத்திஅஸ்ராணி.. இவரது அம்மாவாக ஸ்ரீஜா ரவியும் சிறப்பு..
விஜய் ஆண்டனியின் சென்னை நண்பராக முருகானந்தம்.. ஊட்டி நண்பராக ஜங்ஷன் திவாகர் இருவரும் அவரவர் கேரக்டரில் கச்சிதம்.. அதிலும் சீரியஸ் படத்தில் முருகானந்தன் காமெடி வேற லெவல் ரகம்..
இவர்களுடன் அருவி மதன், பசுபதி பெருமாள், வேட்டை முத்துக்குமார், விஜயன், ஹரிப்பிரியா இசை, ஹரிதா, முன்னார் ரமேஷ் என பலர் கதைக்கு பெரிய பலமாக அமைந்துள்ளனர்.. கிளைமாக்ஸ் காட்சியில் இவர்களின் ஒவ்வொருவரின் நடிப்பும் ரசிக்க வைக்கிறது..
தொழில்நுட்ப கலைஞர்கள்…
கதாநாயகன் இசையமைப்பாளர் எடிட்டர் தயாரிப்பாளர் என பல பொறுப்புகளை ஏற்று இருக்கிறார் விஜய் ஆண்டனி.. அனைத்திலும் நன்றாகவே ஸ்கோர் செய்திருக்கிறார்.. ஏன் இந்த பெண்ணுக்கு உன் மீது லவ் வந்தது என்ற மெலடி பாடல் ரசிக்க வைக்கிறது..
ராஜு ராஜேந்திரன் ஒளிப்பதிவு செய்திருக்கிறார்.. சென்னை மற்றும் ஊட்டி காட்சிகள் கொள்ளை அழகு..
மாறன் இயக்கியிருக்கிறார்.. வட இந்தியாவில் நடந்த உண்மை சம்பவத்தின் அடிப்படையில் ஸ்டெம் செல் சிகிச்சை குறித்தும், அதன் மூலம் பின்னப்பட்ட குடும்ப கதையை உணர்வுபூர்வமாக சொல்லி இருக்கிறார்..
வழக்கமான கதையாக சென்றபோது இடைவேளைக்குப் பிறகுதான் திரைக்கதை விறுவிறுப்பைக் கூட்டி இருக்கிறது..
அதிலும் கோர்ட் கிளைமாக்ஸ் காட்சிகள் விஜய் ஆண்டனி மற்றும் பேபி லிதன்யா பேசும் காட்சிகள் பார்ப்போரின் மனதை கலங்க அடிக்கச் செய்யும்..

