Immortal – விமர்சனம் 4/5…

 

கதை…

ஒரு பிரின்டிங் பிரஸ்சில் வேலை செய்கிறார் ஜிவி பிரகாஷ்.. இவருடன் வேலை செய்பவர் ஆதித்யா கதிர்.. அது தன் மாமாவின் சொந்த அச்சகமாக இருந்தாலும் வெளியில் தங்கி பணிபுரிந்து வருகிறார்..

ஒரு கட்டத்தில் வீட்டு ஓனர் இவரை காலி செய்ய சொல்ல வீடு தேடி அலைகிறார்.. ஆனால் இவரது பட்ஜெட்டுக்கு வாடகை வீடு கிடைத்த பாடில்லை.. அப்போது இவருக்கு இணையதளம் மூலம் ஒரு அழைப்பு வருகிறது.. ரூம் ஷேரிங் செய்து கொள்ளலாம் என்று நாயகி கையாடு லோகர் அழைக்கிறார்..

அவரை சென்று சந்தித்த சில நிமிடங்களிலேயே அந்த வீடும் கையாடு ம் பிடித்து போக உடனே ஓகே சொல்லி அங்கேயே தங்கி விடுகிறார்..

நாட்கள் செல்ல செல்ல கையாடு கட்டுப்பாட்டுக்குள் ஜிவி பிரகாஷ் இருப்பதை உணர்கிறார்.. இவர் என்ன சொல்ல நினைத்தாலும் அதற்கு முன்பே சொல்லி விடுகிறார். அங்கு வேறு ஒரு நபரும் இருக்கிறார்.. அவர் பிரகாஷை பார்த்து இங்கிருந்து சென்று விடு என எச்சரிக்கிறார்..

அதன்படி ஜிவி பிரகாஷ் பயந்து வெளியே செல்ல நினைக்கும் போது அந்த அப்பார்ட்மெண்ட்டை விட்டு அவரால் வெளியே செல்ல முடியவில்லை என அறிகிறார்..

அப்படியானால் கையாடு யார்.? இவரை கட்டுக்குள் கொண்டு வர என்ன காரணம்.? வெளியில் செல்ல முடியாதது ஏன் என்பதெல்லாம் அதிரடியான திரைக்கதை..

 

நடிகர்கள்…

பெண்களைப் பார்த்து ஜொள்ளு விடும் ஜாலியான கேரக்டர்.. வாடகை வீடு என்றாலும் அதன் அருகில் அழகான பெண்கள் இருக்க வேண்டும் என நினைக்கும் ஒரு எதார்த்த இளைஞன்.. இப்படியான பிரகாஷ் வாழ்க்கையில் திடீரென கையாடு வரும்போது ஜொள்ளுக்கு அளவே இல்லை.. பயம் பதட்டம் துணிச்சல் என மூன்றையும் கலந்து கொடுத்திருக்கிறார் ஜிவி பிரகாஷ்..

ரசிகர்களை கவர்ச்சியில் நனைய வைக்கிறார் கையாடு.. அவரது கண்கள் அவரது உதடுகள் அவரது ஆடைகள் என அனைத்தும் சொக்க வைக்கிறது.. அதன் பின்னர் இவர் எடுக்கும் ஆக்சன் அவதாரம் வேற லெவல்..

பிரகாஷின் நண்பராக வருகிறார் ஆதித்ய கதிர்.. அவரின் மாமாவாக வருகிறார் மாறன்.. வீட்டுக்குள் சிக்கிய இன்னொரு நபராக கார்த்திக்.. ஆகியோர் கொடுத்த கேரக்டரில் கதையின் ஓட்டத்திற்கு உதவியுள்ளனர்..

தொழில்நுட்ப கலைஞர்கள்…

ஜிவி பிரகாஷ் ஒரு சிறந்த இசை கலைஞர்.. அவர் ஹீரோவாக நடிக்கும் படத்திற்கு இசை அமைப்பது ஒரு சவாலான விஷயம். அதில் அதிரடி காட்டி இருக்கிறார் சாம் சி.எஸ். பின்னணி இசையில் பதட்டத்தை அள்ளித் தெளிக்கிறார்..

பிரகாஷ் & கயாது ரொமான்ஸ் பாடல் ரசிக்க வைக்கிறது உருக வைக்கிறது.. அழகான ஹீரோயின் என்றாலும் இன்னும் அழகாக காட்ட வேண்டும் என முனைப்பில் ஒளிப்பதிவாளர் அருண்.. காட்சிகளும் அழகு..

இன்டர்வல் வரை ஜாலியாக ரொமான்ஸ் ஆக கதையை நகர்த்தி இருக்கிறார் மாரியப்பன் சின்னா.. இடைவேளைக்குப் பிறகு ஆயிரம் வருடங்களுக்கு முன்பு வாழ்ந்த ஒரு வித்தியாசமான பிராணியை காட்டி தமிழ் ரசிகர்களுக்கு வித்தியாசமான உணர்வை கொடுத்திருக்கிறார்..

இதற்காக கிராபிக்ஸ் காட்சிகளுக்கு மிகுந்த பொருட்செலவை கொடுத்திருக்கிறார் தயாரிப்பாளர் அருண்குமார்…

இந்தப் படத்தின் வெளியீட்டு உரிமையை சக்தி வேலன் பெற்று இருக்கிறார்.. இவரது பேனரில் படங்கள் வெளியானாலே அந்த படத்தின் சிறந்த தரம் ஏற்கனவே பலமுறை நிரூபிக்கப்பட்டிருக்கிறது..