அங்கீகாரம் விமர்சனம்.. 4.5/5… மத்திய மாநில அரசுகளை எதிர்த்து அங்கீகாரம் பெற்ற (அசால்ட்) வீரன்

கதை…

நாயகன் கே ஜே ஆர் (ராஜேஷ்).. ஓட்டப்பந்தய வீரன்.. இவருக்கு ஒரு தங்கை.. அம்மா ரமா தூய்மை பணியாளர்..

தன் தலைமுறையோடு தூய்மை பணி முடிவு எட்டட்டும்.. நீ நம் தாயகத்திற்காக ஓடினால் மட்டுமே நம் குடும்பம் அடுத்த உயர்ந்த நிலைக்கு செல்ல முடியும் என தன் பிள்ளைகளுக்கு சொல்லி சொல்லி வளர்க்கிறார்..

இதனால் கடும் பயிற்சிகளுக்குப் பிறகு பெரும் அற்பணிப்புடன் ஓட்டப் பந்தயங்களில் கலந்து கொண்டு நேஷனல் லெவலில் செலக்ட் ஆகிறார் நாயகன் கே ஜே ஆர்.. ஒரு கட்டத்தில் காலில் அடிப்படவே இவரால் ஓட முடியாத சூழ்நிலை..

அப்பொழுது காமன்வெல்த் போட்டியில் கலந்து கொள்ள இவர் விண்ணப்பம் செய்கிறார்… ஆனால் விபத்து காரணமாக உன்னால் கலந்து கொள்ள முடியாது என்று உயர் அதிகாரிகள் இவரை அனுமதிக்கவில்லை..

ஆனால் வாய்ப்பு கொடுங்கள் நான் நிரூபித்து காட்டுகிறேன்.. ஓடி காட்டுகிறேன் என்று சொன்னாலும் இவரை அவமதித்து விரட்டி விடுகின்றனர்..

இதனால் மத்திய மாநில அரசுகளை எதிர்த்து காமன்வெல்த் விளையாட்டு போட்டிகளை நடத்தக்கூடாது என வழக்கு போடுகிறார் நாயகன்..

அதன் பிறகு நடந்தது என்ன? அரசை எதிர்த்து சாதிக்க முடிந்ததா.? இவரால் மற்ற வீரர்களுக்கு வழி கிட்டியதா என்பதெல்லாம் மீதி திரைக்கதை..

நடிகர்கள்….

நயன்தாரா நடித்த ‘அறம்’ & சிவகார்த்திகேயன் நடித்த ‘அயலான்’ உள்ளிட்ட படங்களை தயாரித்த தயாரிப்பாளர் கே.ஜே.ஆர். (என்ற) கே.ஜே. ராஜேஷ் என்றும் அழைக்கப்படுகிறார்.

இயக்குனர் ஹீரோவாகிறார் தயாரிப்பாளர் ஹீரோ ஆகிறார். அது பெரிய விஷயம் இல்லை.. ஆனால் தன்னை ஒரு நாயகனாக அடையாளப்படுத்த பெரிய அர்ப்பணிப்பை கே ஜே ஆர் கொடுத்திருக்கிறார் என்பதை இந்த அங்கீகாரத்தின் ஒவ்வொரு காட்சியும் சாட்சி என்று சொல்லலாம்..

இடைவேளை முன்பு வரை ஒரு ஓட்டபந்தய வீரனாகவும்.. இடைவேளைக்குப் பிறகு மத்திய மாநில அரசுகளை எதிர்த்து நீதிமன்றத்தில் வாதாடும் ஒரு வக்கீல் போன்ற ஒரு சாமானியனாகவும் பட்டையை கிளப்பி இருக்கிறார் கே ஜே ஆர்..

ஒரு ஓட்டப்பந்தய வீரனின் முழு அர்ப்பணிப்பையும் இந்த படத்தில் கொட்டி இருக்கிறார் நாயகன்.. அதுபோல கோர்ட்டில் வாதாடும் காட்சிகளில் பராசக்தி சிவாஜியை பார்த்த உணர்வை தருகிறார் கே ஜே ஆர்..

இவரின் பயிற்சியாளராக வசுந்தராவும் தன் முழு அர்ப்பணிப்பை கொடுத்திருக்கிறார்.. தன்னிடம் பயிற்சி பெறும் வீரர் வீராங்கனைகளை அவர் உற்சாகப்படுத்த கொடுக்கும் வேகமும் அவரது செயலும் பாராட்டத்தக்கது..

மற்றொரு பயிற்சியாளராக நடன இயக்குனர் ராம்ஜி.. மேலும், சிந்தூரி விஸ்வநாத், விஜி வெங்கடேஷ், ரங்கராஜ் பாண்டே, மன்சூர் அலிகான், அஜித் கோஷி உள்ளிட்ட பலர் முக்கிய கதாபாத்திரங்களில் நடித்துள்ளனர்..

அரசு பெண் வக்கீலாக நடித்துள்ள விஜி வெங்கடேஷ் மிரட்டி இருக்கிறார்.. எதிர் தரப்பு சொல்லும் ஒவ்வொரு குற்றச்சாட்டுக்கும் அவர் பதிலடி கொடுக்கும் விதம் திறமையான வழக்கறிஞரை காட்டும்…

தொழில்நுட்ப கலைஞர்கள்…

ஸ்வஸ்திக் விஷன்ஸ் தயாரிப்பில், உருவாகியுள்ள திரைப்படம் ‘அங்கீகாரம்’…

ஜிப்ரான் இசையமைத்துள்ளார்.. ஓட்டப்பந்தய வீரர்களைப் போல இசைக்கு வேகம் கொடுத்து அவர்களை முந்தி செல்கிறார்.. சோகமான காட்சிகளில் அதன் வலியை நமக்கு கடத்தி விட மெல்லிசையை கொடுத்திருக்கிறார்..

விஸ்வநாத் ஒளிப்பதிவு செய்திருக்கிறார்.. சேரி பகுதியில் சென்றது போன்ற உணர்வை தன்னுடைய கேமராவில் கொண்டு வந்திருக்கிறார்..

இயக்குநர் பா. ரஞ்சித்தின் உதவி இயக்குநராக பணியாற்றியவர் ஜே.பி. தென்பாதியான்..

ரஞ்சித் பட்டறையில் இருந்து வந்த மாரி செல்வராஜ் போன்ற அடுத்த இயக்குனரை தமிழ் சினிமாவுக்கு கொடுத்திருக்கிறார் அங்கீகாரம் படத்தின் மூலம் ரஞ்சித்..

வெறுமனே விளையாட்டுத்துறை அதில் இருக்கும் வீரர்கள் இப்படியான சூழ்நிலையில் அதில் சொல்லப்படும் அரசியல் அதிகாரத் திமிருகள் இப்படி பல படங்களில் காட்சிகளை நாம் கண்டிருந்தாலும்… ஒரு வீரன் நினைத்தால் அவன் அரசையும் எதிர்த்து போரிடலாம் என்பதற்கு ஒவ்வொரு காட்சிகளையும் செதுக்கியிருக்கிறார் இயக்குனர் தென்பாதியான்..

கிளைமாக்ஸ் காட்சியில் கூட… கமர்சியல் சினிமா என்பது போல அல்லாமல் எதார்த்தம் இதுதான்.. என்பதை கண்கலங்க வைக்கும் முறையில் பதிவு செய்திருக்கிறார் இயக்குனர்..

கோர்ட் சீன்களில் பேசப்பட்ட ஒவ்வொரு வசனங்களும் ரசிகர்கள் மனதில் பெரிய தாக்கத்தை ஏற்படுத்தும்..

ஒரு தலைமுறையை உயர்த்த ஒரு வீரன் எப்படி ஓடிக்கொண்டே இருக்க வேண்டும் நிற்காமல் ஓடிக் கொண்டே இருக்க வேண்டும் என்பதை எதார்த்தமாக உணர்வு பூர்வமாக பதிவு செய்து இருக்கிறார்..

இந்த அங்கீகாரத்திற்கு ரசிகர்களும் பெரிய அங்கீகாரத்தை கொடுப்பார்கள் என உறுதியாக சொல்லலாம்..

Angikaaram movie review