99 / 66 – விமர்சனம்

 

 

கதை…

ஒரு அப்பார்ட்மெண்டில் 66 ஆவது எண் வீட்டில் தனது கணவருடன் குடியேறுகிறார் நாயகி ரக்ஷிதா மகாலட்சுமி.. அதே அப்பார்ட்மெண்டில் 99 என்ற எண் கொண்ட வீட்டில் இருக்கும் ஸ்வேதாவிட நட்புக் கொள்கிறார்.

ஒரு கட்டத்தில் தனது தோழியை ஒருவர் கொல்ல முயற்சிக்கிறார் என்பதை அறிகிறார்.. அதனை தடுத்து நிறுத்தும் போதுதான் ஏற்கனவே ஸ்வேதா இறந்து விட்டார் என்ற அங்கு உள்ள குடியிருப்புவாசிகள் சொல்கின்றார்கள்.

அப்படியானால் இறந்து போனவர் தன் கண்களுக்கு மட்டும் தெரிவது ஏன் என்று குழப்பத்தில் இருக்கிறார் நாயகி.. அப்படியானால் இதற்கு பின்னணியில் நடப்பது என்ன என்பதுதான் மீதிக்கதை..

நடிகர்கள்…

சின்னத்திரை உலகில் பிரபலமானவர் நாயகி ரக்ஷிதா மகாலட்சுமி.. இதில் அழகான நடிப்பில் கவருகிறார் ஒரு கட்டத்தில் ஆவி புகுந்த பிறகு இவர் ஆட்டங்கள் வேற லெவல்..

மற்றொரு நாயகி ஸ்வேதா.. சாந்தமான நடிப்பில் கவர்கிறார்.. இவருக்கு இப்படி ஒரு நிலைமையா என அனுதாபத்தை அள்ளிக் கொள்கிறார்..

நாயகர்களாக சபரி மற்றும் ரோகிந்த்.. இருவரும் கொஞ்சம் வில்லத்தனம் கலந்த ஹீரோயிசம் செய்துள்ளனர்..

சாம்ஸ், முல்லை, கோதண்டம், சிங்கம்புலி ஆகியோரது காமெடி கொஞ்சமே கை கொடுத்துள்ளது.. பவன் கிருஷ்ணா, சிறப்பு தோற்றத்தில் கே.ஆர்.விஜயா, இயக்குநர் எம்.எஸ்.மூர்த்தி, பி.எல்.தேனப்பன் ஆகியோரும் உண்டு..

தொழில்நுட்ப கலைஞர்கள்…

ஒளிப்பதிவாளர் சேவிலோ ராஜா.. படத்தின் பெரும்பாலான காட்சிகள் இந்த அடுக்குமாடி குடியிருப்பில் படமாக்கப்பட்டுள்ளது.. அதனை ஒவ்வொரு விதமாக ஒவ்வொரு கோணங்களில் படமாக்கி இருக்கிறார்..

மீனாட்சி சுந்தரம் படத்தொகுப்பு செய்துள்ளார்.. ஜெயமுருகனின் கலைப்பணி படத்திற்கு பெரிய பலம்.

கதை, திரைக்கதை, வசனம், பாடல்கள் எழுதி இசையமைத்து இயக்கி தயாரித்திருக்கிறார் எம்.எஸ்.மூர்த்தி.. இவரும் படத்தில் ஒரு முக்கியமான கேரக்டரில் நடித்து சிறப்பு சேர்த்து இருக்கிறார்..

திகிலான காட்சிகள் இருந்தாலும் திடீரென சோசியல் மெசேஜும் கொடுத்திருக்கிறார்.. பெண்களுக்கு எதிரான பாலியல் குற்றங்களை தடுக்க 99/66 இதன் மூலம் வலியுறுத்தி இருக்கிறார்..