முஸ்தபா முஸ்தபா – விமர்சனம்…

கதை…

சதீஷ் மற்றும் சுரேஷ் ரவி இருவரும் பள்ளிப் பருவம் முதல் நண்பர்கள்.. ஒரு கட்டத்தில் சதீஷ் & மோனிக்கவும் காதலிக்கிறார்கள்.. இவர்களின் திருமணத்திற்கு இன்னும் இரண்டு நாட்கள் இருக்கும் நிலையில் திடீரென இணையத்தில் சதீஷ் நடித்த ஒரு பிட்டு படம் வெளியாகிறது..

அது ஏற்கனவே சதீஷ் நடித்த ஒரு ஷூட்டிங் பிட்டு படம் என்றாலும் அதை இணையத்தில் பதிவேற்றியது யார் என்று தெரியாமல் நண்பர்கள் தடுமாறுகின்றனர்..

இந்த பிட்டு படம் வைரலானால் தனது திருமணம் நின்று விடுமோ என்ற பயத்தில் அந்த வீடியோவை தடுக்க நினைக்கிறார்.

அவரால் அது முடிந்ததா இறுதியில் என்ன ஆனது என்பது தான் மீதிக்கதை..

நடிகர்கள்…

நாயகன் சதீஷ் தனக்கு ஏற்ற வகையில் கதையை தேர்வு செய்து இருக்கிறார் பிட்டு படம் நாயகன் என்ற போர்வையில் காமெடியில் கை கொடுத்திருக்கிறார்..

நாயகி மோனிகா கவர்ச்சியிலும் அழகிலும் நடிப்பிலும் கவருகிறார்.. இரண்டாவது நாயகனாக சுரேஷ் ரவி சில அழகான பெண்களிடம் நண்பனின் பிட்டுப்பட கதை சொல்லி அவர்களையும் கவர்ந்து இருக்கிறார்..

கொஞ்ச காட்சி வந்தாலும் ஐஸ்வர்யா தாராள கவர்ச்சி காட்டியிருக்கிறார்..

சாம்ஸ், லிவிங்ஸ்டன், உமா, புகழ், சூப்பர் குட் சுப்ரமணி உள்ளிட்டோரும் உண்டு..

தொழில்நுட்ப கலைஞர்கள்…

ஒளிப்பதிவாளர் கே.எஸ்.விஷ்ணு ஸ்ரீ.. இளைஞர்களை கவரும் வகையில் கலர்ஃபுல்லாக்கி இருக்கிறார் படத்தில் ஏகப்பட்ட அழகான பெண்கள் இருப்பதால் கலர்ஃபுல் ஆக்கியிருக்கிறார்..

இசையமைப்பாளர் எம்.எஸ்.ஜோன்ஸ் ரூபர்ட்டின் இசையில் பாடல்கள் ஓகே ரகம் தான்.. பாடல்களில் கூடுதல் மெனக்கட்டு இருக்கலாம்..

படத்தொகுப்பாளர் தினேஷ் பொன்ராஜ்.. தேவையற்ற பாடல்களை கட்டிங் போட்டு இருக்கலாம்.

இயக்குனர் – பிரவீன் சரவணன்.. காமெடியன் ஹீரோவாகியிருக்கிறார்.. எனவே பல இடங்களில் காமெடியை வைத்து கல்லா கட்ட நினைத்திருக்கிறார்.. நண்பர்கள் அவர்களுக்கு பிரச்சனை.. அதற்கு நண்பன் எப்படி உதவி செய்தான் என்பதை கலகலப்பாக கொண்டு சென்று இருக்கிறார்..