ஆர்யா நடிப்பில் உருவான அதிரடி படம் ‘கேப்டன்’ ரசிகர்களை கவர்ந்த பரபரப்பான ‘பர்ஸ்ட் லுக்’

இயக்குநர் சக்தி சௌந்தர்ராஜன் இயக்கத்தில் நடிகர் ஆர்யா நடிக்கும் படம் கேப்டன். Think Studios மற்றும் The Show People நிறுவனங்கள் இணைந்து வழங்கும் இந்த படத்தின் ஃபர்ஸ்ட் லுக் வெளியானது.
டெடி மற்றும் சார்பட்டா பரம்பரை போன்ற தொடர்ச்சியாக அழுத்தமான கதையம்சங்கள் கொண்ட, பிளாக் பஸ்டர் திரைப்படங்களை வழங்கியதன் மூலம் புகழின் உச்சத்தை எட்டியுள்ள நடிகர் ஆர்யாவின் அடுத்த படம் இது. ‘டெடி’ என்ற பிரமாண்டமான படத்திற்குப் பிறகு ஆர்யா-சக்தி சௌந்தர்ராஜன் ஜோடி மீண்டும் இணைந்துள்ளதால், இப்படம் ஏற்கனவே ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது.
படத்தை Think Studios நிறுவனம், நடிகர் ஆர்யாவின் The Show People நிறுவனத்துடன் இணைந்து தயாரிக்கின்றது. படப்பிடிப்பு முடிந்து, தற்போது போஸ்ட் புரொடக்‌ஷன் பணிகள் விறுவிறுப்பாக நடைபெற்று வரும் நிலையில் தயாரிப்பாளர்கள் தற்போது இந்தப் படத்தின் ஃபர்ஸ்ட் லுக்கை வெளியிட்டுள்ளனர். இந்த ஃபர்ஸ்ட் லுக்கை உருவாக்க, படக்குழு ஒன்றரை ஆண்டுகள் உழைத்துள்ளது. இந்த ஃபர்ஸ்ட் லுக் உருவாக்கியதன் முக்கிய நோக்கம், இதுவரை பார்த்திராத சிறப்பான திரை அனுபவத்தை பார்வையாளர்களுக்கு தரவேண்டும் என்பதே ஆகும்.

இந்த ஃபர்ஸ்ட் லுக்கை ஷேர் செய்துள்ள ஆர்யா, ”நீங்கள் ஓர் அற்புதமான எழுத்தாளர்-இயக்குநர் அண்ணா” என்று சக்தி சௌந்தர்ராஜனை பாராட்டியுள்ளார். போஸ்டரில் துப்பாக்கியுடன் நிற்கும் ஆர்யாவுக்கு பின்னால் ராட்சத மிருகம் ஒன்று காட்சியளிக்கிறது. படத்தின் போஸ்டரை சமூக வலைதளங்களில் பகிரும் ரசிகர்கள், என்ன மாதிரியான கதை என்று தங்களாவே கணிக்கத் தொடங்கியுள்ளனர். இது படம் மீதான அவர்கள் எதிர்பார்ப்பை கூட்டிக் கொண்டிருக்கிறது.
படத்தில் சிம்ரன், ஐஸ்வர்யா லக்‌ஷ்மி, ஹரீஷ் உத்தமன், காவ்யா ஷெட்டி உள்ளிட்டோர் நடித்துள்ளனர். கோகுல் ஆனந்த், சுரேஷ் மேனன், பரத்ராஜ், அம்புலி கோகுல் மற்றும் பல முக்கிய நடிகர்களும் படத்தின் முக்கிய கேரக்டர்களில் இடம் பிடித்திருக்கிறார்கள்.
D.இமான் இசையமைக்க, கார்க்கி பாடல்கள் எழுதியுள்ளார். யுவா ஒளிப்பதிவு செய்ய, பிரதீப் E ராகவ் படத்தொகுப்பு செய்துள்ளார். R.சக்தி சரவணன் சண்டைப்பயிற்சி இயக்குநராக பணியாற்ற, S.S. மூர்த்தி கலை இயக்கம் செய்துள்ளார். V.அருண் ராஜா CG ஹெட்டாக பணியாற்றுகிறார்.