‘திருஷ்யம் 2′ மூலம் மீண்டும் திரைப்பிரவேசம் செய்யும் நடிகை சுஜா வருணி

நடிகர் வெங்கடேஷ் , மீனா நடிப்பில் தெலுங்கில் தயாராகி, டிஜிட்டல் தளத்தில் வெளியாகி இருக்கும் படம் ‘த்ருஷ்யம் -2′. இந்த படத்தில் நடிகை சுஜா வருணி முக்கிய வேடத்தில் நடித்திருக்கிறார். தமிழில் ‘பிளஸ்-2’ படம் தொடங்கி ‘ஆண் தேவதை வரை’ தனது தனித்துவ நடிப்பால் ரசிகர்கள் மனதில் இடம் பிடித்தவர், திருமணத்துக்குப் பிறகு நடிப்புக்கு இடைவெளி விட்டார். தற்போது மறுபிரவேசத்தில் அவர் நடிப்பில் வெளிவந்திருக்கும் முதல் படமே ‘திருஷ்யம்-2.’
பிக் பாஸ் முதல் சீசனில் போட்டியாளராக கலந்து கொண்டு ரசிகர்களின் பேராதரவை பெற்றவர் நடிகை சுஜா வருணி. இவர் என்பது இன்னொரு சிறப்பு.

திருமணத்திற்குப் பிறகு ஏராளமான பெண் தொழில் முனைவோர்களை உத்வேகத்துடன் ஊக்கப்படுத்தி உருவாக்கிய இவர், ‘சுசீஸ் ஃபன்’ என்ற பெயரில் ‘யூ ட்யூப் சேனல்’ ஒன்றையும் வெற்றிகரமாக நடத்தி வருகிறார். இந்நிலையில் சிறிய இடைவெளிக்குப் பிறகு ‘த்ருஷ்யம் 2′ படத்தில் நடிக்க கிடைத்த வாய்ப்பை பயன்படுத்தி, அனைத்து தரப்பினரின் பாராட்டையும் பெற்றிருக்கிறார். இதன் மூலம் மீண்டும் அவர் தமிழ் மற்றும் தெலுங்கு திரை உலகில் அழுத்தமான வேடங்களில் நடிக்க தயாராகி விட்டார்.

‘திருஷ்யம்-2′ படத்தில் நடித்ததைப் போன்ற கதாபாத்திரங்களில் நடிக்க, தமிழிலும் வாய்ப்பு கிடைத்து வருவதால், தமிழிலும் மீண்டும் அவரது அதிரடி பிரவேசத்தை சீக்கிரமே எதிர்பார்க்கலாம். வாங்க சுஜா, வாங்க…