ஜான் டோ விமர்சனம்…

ஜான் டோ என்றால் அது ஒரு நபரின் பெயர் அல்ல… அடையாளம் தெரியாத ஒருவருக்கு தற்காலிகமாக வைக்கப்படும் பெயர்..

கதை…

கேரளாவில் உள்ள ஏரியில் ஒரு கார் விபத்துக்குள்ளாகிறது.. அந்த காரில் இருந்த ஒரு சிறுவன் சடலம் மீட்கப்படுகிறது..அது விபத்து அல்ல ஒரு கொலை என்பதை கண்டுபிடிக்கிறார் கேரள போலீஸ் அர்ஜுன் தாஸ்..

ஆனால் அதற்கான காரணத்தை கண்டுபிடிப்பதற்குள் தமிழகத்தில் வேறு ஒரு சிறுவன் மாயமாகிறான்.. இதனால் தமிழகத்திற்கு வருகிறார் அர்ஜுன் தாஸ்..

ஆனால் இங்குள்ள போலீஸ் சஞ்சனாவிற்கும் இவருக்கும் ஈகோ  பிரச்சினை முற்றுகிறது.. இரண்டு கொலைகளுக்கும் தொடர்பு இருப்பதை அறிகிறார் அர்ஜுன் தாஸ்.. அதை எப்படி கண்டுபிடித்தார்.? என்ன நடந்தது? அவரால் இந்த விசாரணையை முடிக்க முடிந்ததா.? என்பதெல்லாம் திரில்லர் திரைக்கதை..

நடிகர்கள்…

முதன்முறையாக போலீஸ் வேடத்தில் அர்ஜுன் தாஸ்.. கம்பீரக் குரலுக்கு அவரது காக்கிச்சட்டை பக்கா பொருத்தம்.. அலட்டிக் கொள்ளாமல் அசத்தியிருக்கிறார்.. அதேசமயம் வழக்கம் போல சில வசனங்கள் அவரது குரலில் புரியவில்லை..

தமிழக போலீஸ் சஞ்சனாவும் நடிப்பில் கவர்ந்திருக்கிறார்.. காக்கி உடையில் கலக்கி இருக்கிறார்..

அர்ஜுன் தாஸின் அம்மாவாக  விஜே அர்ச்சனா, தந்தையாக படவா கோபி, மருத்துவர் வேடத்தில் கார்த்திக் குமார்.. லக்கி கதாபாத்திரத்தில் ஜாரா வினீத் சந்தோக், ஹ்ரிதய் கதாபாத்திரத்தில்  நீரவ்.எஸ், இவர்களின் அம்மாவாக  ஸ்ரிஷ்டி.ஒய்,  உள்ளிட்டார் படத்தின் கதை ஓட்டத்திற்கு பெரிய பலம்..

தொழில்நுட்ப கலைஞர்கள்…

இசை  – முஜீப் மஜீத் இசை மற்றும் தி ஆர்டிஸ்ட் 404-ன் கூடுதல் இசை.. ‘நான் போதுமா….’ பாடல் ரசிக்க வைக்கிறது..

ஒளிப்பதிவாளர் ப்ரீத்தா ஜெயராமன்… ஒரு திரில்லருக்கு உண்டான விறுவிறுப்பை கொடுத்திருக்கிறார்..

மதுமிதா என்பவர் இயக்கியிருக்கிறார்.. ஒரு சைக்கோ திரில்லர் கதையை பல படங்களில் பார்த்திருந்தாலும் இதில் வித்தியாசம் காட்டி ஒரு சீட் நுனியில் அமர வைக்கும் பரபரப்பான  திரைக்கதையை அமைத்து ரசிகர்களுக்கு ஒரு திரில்லர் அனுபவத்தை கொடுத்திருக்கிறார்..