ரஜினி, விஜய், சூர்யா படங்கள் முதல் இன்டிபெண்டன்ட் பாடல்கள் வரை – ஷெரீஃப் மாஸ்டரின் அசத்தல் பயணம்!

‘காசு பணம்’, ‘கனிமா’, ‘பவழ மல்லி’, ‘விழி வீக்குறா’ உள்ளிட்ட பாடல்களின் நடன இயக்குநரான ஷெரீஃப் மாஸ்டருக்கு கனடாவில் உற்சாக வரவேற்பு – சிறப்பு விருந்தினர் மற்றும் நடுவராகப் பங்கேற்பு; அவர் நடத்திய இரண்டு நடனப் பயிற்சி வகுப்புகளும் முழுமையாக முன்பதிவு செய்யப்பட்டு அரங்கம் நிறைந்தன!

இந்தியத் திரையுலகம் மற்றும் இன்டிபெண்டன்ட் மியூசிக் என 250-க்கும் மேற்பட்ட பாடல்களுக்கு நடன இயக்கம் செய்து தனக்கென ஒரு தனி அடையாளத்தை உருவாக்கியவர் நடன இயக்குநர் ஷெரீஃப் மாஸ்டர். சூப்பர் ஸ்டார் ரஜினிகாந்த், தளபதி விஜய், சூர்யா உள்ளிட்ட முன்னணி நட்சத்திரங்கள் நடித்த படங்களின் பாடல்களுக்கு நடன இயக்கம் செய்தது முதல், சாய் அபயங்கரின் இன்டிபெண்டன்ட் இசைப் பாடல்களுக்கான டிரெண்டிங் ஹூக் ஸ்டெப்களை உருவாக்கியது வரை, தென்னிந்தியத் திரையுலகில் பன்முகத் திறமை கொண்ட நடன இயக்குநராகத் தொடர்ந்து பயணித்து வருகிறார்.

‘சூது கவ்வும்’ திரைப்படத்தில் இடம்பெற்ற ‘காசு பணம்’ பாடல் மூலம் கவனம் பெற்ற ஷெரீஃப் மாஸ்டர், தொடர்ந்து ‘ராஜா ராணி’, ‘தெறி’, ‘பேட்ட’, ‘ரெட்ரோ’ உள்ளிட்ட பல முக்கியத் திரைப்படங்களில் பணியாற்றியுள்ளார். ஒவ்வொரு பாடலின் இசை, கதாபாத்திரம் மற்றும் உணர்வுகளுக்கு ஏற்ப தனது நடன அமைப்புகளை உருவாக்கி, ரசிகர்களைக் கவரும் வகையில் பணியாற்றுவது இவரது தனிச்சிறப்பு.

கார்த்திக் சுப்பராஜ் இயக்கத்தில் சூர்யா நடித்த ‘ரெட்ரோ’ திரைப்படத்தில் இடம்பெற்ற ‘கனிமா’ பாடல் இவரது சமீபத்திய குறிப்பிடத்தக்க படைப்புகளில் ஒன்று. விறுவிறுப்பான நடன அமைப்புடன், சுமார் 15 நிமிடங்கள் தொடர்ச்சியாகப் படமாக்கப்பட்ட இந்தப் பாடல் காட்சியில் நடனம், ஆக்‌ஷன் மற்றும் கதை சொல்லல் ஆகியவை ஒருங்கிணைக்கப்பட்டிருந்தன. தொழில்நுட்ப ரீதியாகச் சவாலான இந்தக் காட்சியை உருவாக்குவதில் கலைஞர்கள், கேமரா குழுவினர் மற்றும் நடனக் குழுவினருடன் இணைந்து ஷெரீஃப் மாஸ்டர் சிறப்பாகப் பணியாற்றியிருந்தார்.

அதேபோல், சூப்பர் ஸ்டார் ரஜினிகாந்த் நடித்த ‘பேட்ட’, தளபதி விஜய் நடித்த ‘தெறி’ உள்ளிட்ட திரைப்படங்களில் இவரது நடன இயக்கமும் குறிப்பிடத்தக்க பாராட்டுக்களைப் பெற்றுள்ளது.

திரைப்படங்களைத் தாண்டி, வளர்ந்து வரும் தமிழ் இன்டிபெண்டன்ட் இசைத் துறையிலும் ஷெரீஃப் மாஸ்டர் தனது திறமையை வெளிப்படுத்தி வருகிறார். சாய் அபயங்கரின் பிரபலமான இசைப் படைப்புகளான ‘பவழ மல்லி’, ‘விழி வீக்குறா’ உள்ளிட்ட பாடல்களுக்கு இவர் அமைத்த நடன அசைவுகள் இளம் தலைமுறை ரசிகர்களிடையே பெரும் வரவேற்பைப் பெற்றுள்ளன.

இன்ஸ்டாகிராம் ரீல்ஸ், யூடியூப் ஷார்ட்ஸ் மற்றும் டான்ஸ் கவர்ஸ் மூலம் இன்டிபெண்டன்ட் இசைப் பாடல்கள் அதிகளவில் ரசிகர்களைச் சென்றடையும் சூழலில், எளிதில் கவனம் ஈர்க்கும் ஹூக் ஸ்டெப்களை உருவாக்குவதில் ஷெரீஃப் மாஸ்டரின் பங்களிப்பு முக்கியமானதாக அமைந்துள்ளது.

மேலும், இசைஞானி இளையராஜாவின் இசையில் உருவாகியுள்ள ‘டொரொத்தி’ திரைப்படத்தில் இடம்பெறும் ‘முத்துமணி’ பாடலுக்கும் இவர் நடன இயக்கம் செய்துள்ளார். வெவ்வேறு இசை பாணிகளுக்கு ஏற்பத் தனது நடன அமைப்புகளை மாற்றிக்கொள்ளும் இவரது திறமைக்கு இது மற்றுமொரு சான்றாக அமைந்துள்ளது.

இந்நிலையில், கனடாவில் நடைபெற்ற K2B Dance Studios நிறுவனத்தின் 5-வது ஆண்டு நடன நிகழ்ச்சி மற்றும் 10-ம் ஆண்டு விழாவில் சிறப்பு விருந்தினராகவும் நடுவராகவும் ஷெரீஃப் மாஸ்டர் பங்கேற்றார். 2026 அக்டோபர் 31-ம் தேதி Whitby-யில் உள்ள Canada Event Centre-ல் நடைபெற்ற இந்த நிகழ்ச்சியில் 650 நடனக் கலைஞர்கள் பங்கேற்றதுடன், சுமார் 1,200 பேர் பார்வையாளர்களாகக் கலந்துகொண்டனர்.

தொடர்ந்து, நவம்பர் 1 மற்றும் நவம்பர் 4 ஆகிய தேதிகளில் ஷெரீஃப் மாஸ்டர் இரண்டு பிரத்யேக நடனப் பயிற்சி வகுப்புகளை நடத்தினார். குழந்தைகள் முதல் பெரியவர்கள் வரை பலரும் ஆர்வத்துடன் பங்கேற்ற இந்த இரண்டு வகுப்புகளும் முழுமையாக முன்பதிவு செய்யப்பட்டு அரங்கம் நிறைந்தன. திரைப்படப் பாடல்கள் மற்றும் இன்டிபெண்டன்ட் இசைப் பாடல்களில் இடம்பெற்ற தனது பிரபலமான நடன அசைவுகளையும், நடன நுணுக்கங்களையும் அவர் பங்கேற்பாளர்களுக்குப் பயிற்றுவித்தார்.

கனடா பயணம் குறித்த தனது மகிழ்ச்சியைப் பகிர்ந்துகொண்ட ஷெரீஃப் மாஸ்டர், “எனது நடனப் பயணம் இந்தியத் திரையுலகின் முன்னணி நட்சத்திரங்களுடன் பணியாற்றவும், இன்டிபெண்டன்ட் பாடல்கள் உள்ளிட்ட பல்வேறு இசை வடிவங்களில் எனது திறமையை வெளிப்படுத்தவும் வாய்ப்பளித்துள்ளது. குறிப்பாக, வேறொரு நாட்டிற்குச் செல்லும்போது நமது நடன அமைப்புகளை மக்கள் அங்கீகரித்து ரசிப்பது மிகவும் மகிழ்ச்சியாக இருக்கிறது. கனடாவில் எனக்குக் கிடைத்த வரவேற்பு உண்மையிலேயே நெகிழ்ச்சியளித்தது. நமது திரைப்பட மற்றும் இன்டிபெண்டன்ட் பாடல்களின் ஹூக் ஸ்டெப்களை குழந்தைகளும் இளைஞர்களும் ஆர்வத்துடன் கற்றுக்கொள்வதைப் பார்த்தபோது மிகுந்த மகிழ்ச்சியடைந்தேன். இந்த வாய்ப்பை வழங்கிய K2B Dance Studios மற்றும் கனடா வாழ் தமிழ் மக்களுக்கு எனது மனமார்ந்த நன்றியைத் தெரிவித்துக்கொள்கிறேன்” என்றார்.

‘காசு பணம்’ தொடங்கி, தொழில்நுட்ப ரீதியாகப் பிரம்மாண்டமாக உருவான ‘கனிமா’ வரை, இன்றைய தலைமுறையினரைக் கவரும் ‘பவழ மல்லி’, ‘விழி வீக்குறா’ உள்ளிட்ட பாடல்கள் வரை, மாறிவரும் இசை ரசனைக்கும் நடனப் போக்குகளுக்கும் ஏற்பத் தன்னைத் தொடர்ந்து புதுப்பித்துக்கொண்டு வருகிறார் ஷெரீஃப் மாஸ்டர்.

250-க்கும் மேற்பட்ட பாடல்களுக்கு நடன இயக்கம் செய்து, தனது கலைப் பயணத்தை சர்வதேச மேடைகளுக்கும் கொண்டு சென்றுள்ள ஷெரீஃப் மாஸ்டர், திரைப்படங்கள், இன்டிபெண்டன்ட் இசை மற்றும் உலகெங்கிலும் உள்ள நடன ஆர்வலர்கள் எனப் பல்வேறு தளங்களில் தனது தனித்துவமான நடனப் பங்களிப்பைத் தொடர்ந்து வழங்கி வருகிறார்.