Frame பாருங்க ஜி… ஜெய்லர் 2 கிளைமாக்ஸ் காட்சியில் இந்தியாவின் சூப்பர் ஸ்டார்ஸ்

சூப்பர் ஸ்டார் ரஜினிகாந்த் உடன் இந்திய சினிமாவின் பிரபல நட்சத்திரங்கள் நடித்திருக்கும் திரைப்படம் ஜெய்லர் 2 நேற்று உலகமெங்கும் வெளியானது..

சன் பிக்சர்ஸ் தயாரித்த இந்த படத்திற்கு அனிருத் இசையமைக்க நெல்சன் பிரம்மாண்டமாக இயக்கியிருந்தார்..

ரஜினியுடன் முக்கிய வேடங்களில் மலையாள நடிகர் சூரஜ், ரம்யா கிருஷ்ணன் எஸ் ஜே சூர்யா, வித்யா பாலன், மிர்னா, யோகி பாபு, நமோ நாராயணன், பகவதி பெருமாள், தேனப்பன், ஷீலா ராஜ்குமார் உள்ளிட்ட பலரும் நடித்திருந்தனர்..

இதில் சிறப்பு தோற்றத்தில் மோகன்லால் – சிவராஜ்குமார் – ஹிருத்திக் ரோஷன் – ஜாக்கி சராஃப் – விஜய் சேதுபதி உள்ளிட்ட பலரும் நடித்திருந்தனர்..

இந்தப் படத்தில் ஒவ்வொரு காட்சியும் பிரேம் பாருங்க ஜி என்று சொல்லும் அளவுக்கு ரஜினிகாந்த் வைத்து செதுக்கியிருந்தார் இயக்குனர் நெல்சன்..

மேலும் அனைத்து தரப்பு ரசிகர்களும் ரசிக்கும் வகையில் காமெடி காட்சிகளும் பில்டப் காட்சிகளும் கொடுக்கப்பட்டிருந்தது..

இடைவேளை காட்சியில் மோகன்லால் சிவராஜ்குமார் ஜாக்கி உள்ளிட்ட பலரும் ஒரே காட்சியில் தோன்றுவது ரசிகர்களுக்கு மெகா விருந்தாக அமைந்திருந்தது..

அதுபோல கிளைமாக்ஸ் காட்சியில் ரஜினியுடன் மோகன்லால் சிவராஜ்குமார் ஜாக்கி சராஃப் எஸ் ஜே சூர்யா உள்ளிட்ட பலரும் தோன்றும் காட்சி அமைந்திருந்தது..

அதில் ரஜினி பேசும் ஒரு காட்சி அவரது நிஜ வாழ்க்கையுடன் ஒத்துப் போவதாக அமைந்திருந்ததால் ரஜினி ரசிகர்களுக்கு இது மகிழ்ச்சியை கொடுத்துள்ளது.

50 வருடங்களில் பல பிரச்சனைகளை தாண்டி இந்த இடத்திற்கு வந்திருக்கிறேன் என்பது போல ஒரு வசனம் அமைந்தது..

கிளைமாக்ஸ் காட்சியில் இந்திய சினிமாவில் சூப்பர் ஸ்டார்கள் ஒன்றாக வந்த போது ரசிகர்களுக்கு இது மாபெரும் நவராத்திரி விருந்தாக அமைந்துள்ளது எனலாம்..