தாய் நிலம் – விமர்சனம்

கதை…

இலங்கையில் வசிக்கிறார் அமர் ராமச்சந்திரன்.. அங்கு நடைபெறும் யுத்தத்தில் தன் மனைவியை இழக்கிறார்.. தன் மகளையாவது இந்த உலகத்தில் வாழவைக்க வேண்டும் என எண்ணும் அமர் ராமச்சந்திரன் அகதியாக இந்தியாவிற்கு வருகிறார்..

கையில் எதுவும் இல்லாத சூழ்நிலையில் வேறு வழியின்றி சாலையோர பிளாட்பாரத்தில் மகளுடன் இணைந்து தன் வாழ்வை தொடங்குகிறார்.. சில நல்ல உள்ளங்கள் மூலம் அவருக்கு உதவி கிடைக்க சந்தோஷமாக வாழ்க்கை தொடங்கும் நேரத்தில் திடீரென ஒரு பிரச்சனை வெடிக்கிறது.. அதன் பிறகு என்ன ஆனது என்பதுதான் திரைக்கதை..

நடிகர்கள்…

மனைவியை இழந்த ஒருவனின் மனநிலை… மகளின் எதிர்காலத்தை யோசிக்கும் ஒரு பொறுப்பான தந்தையின் மனநிலையை உணர்ச்சிப்பூர்வமாக நடிப்பின் மூலம் பதிவு செய்திருக்கிறார் அமர் ராமச்சந்திரன்..

அமரின் மகளாக நேஹா அமர்.. தாயை இழந்த சோகத்தில் அப்பாவின் துன்பத்தை தினம் தினம் பார்க்கும் மகளின் உணர்வுகளை வெளிப்படுத்தி இருக்கிறார்..

இவர்களுடன் நிமிஷா நம்பியார், தீபக் பிரபாகரன், குருதன்ஷிகா, நிஹல் உள்ளிட்டோரும் சிறப்பாக நடித்துள்ளனர்.

ஆதரவற்றவர்களுக்கு உதவும் மனித நேயமிக்க வலுவான கதாபாத்திரத்தில் மறைந்த பாலாசிங்…

தொழில்நுட்பக் குழு…

வாழ்க்கைய இழந்து அகதிகளாக வருபவர்களுக்கு உதவும் கதாபாத்திரங்களின் படைப்பு நேர்த்தியாக அமைக்கப்பட்டுள்ளது..

ஒளிப்பதிவாளர் பிரசாந்த் பிரணவத்தின் கேமரா கைவண்ணம் சிறப்பு.. இசையமைப்பாளர் அவுசேப்பச்சன்.. அகதிகளின் வலியை இசை மூலம் ரசிகர்களுக்கு சொல்லியிருக்கிறார்..

படத்தொகுப்பாளர் டீஜோ பி.வர்க்கீஸ்…

இலங்கையில் நடந்த போர்… துப்பாக்கி குண்டுகள்.. அப்பாவி உயிர்கள் பலி என் பல சினிமாக்களை நாம் பார்த்திருக்கிறோம்… ஆனால் போரில் இருந்து மீண்டு வந்து அகதிகளாக வருபவர்கள் நிலை என்ன என்பதை ஒரு உணர்ச்சி பிழம்பாக சொல்லி இருக்கிறார் இயக்குனர் அபிலாஷ் ஜி தேவன்..

முக்கியமாக பெற்றோர்களை இழந்த குழந்தைகளின் நிலை அவர்களின் வாழ்வியல் ஒரு கேள்விக்குறியானது என்பதை கிளைமாக்ஸ் காட்சியில் உணர்ச்சி பெருக்க சொல்லியிருக்கிறார் இயக்குனர் அபிலாஷ் ஜி தேவன்..