ஏழு கடல் ஏழு மலை – விமர்சனம்…

கதை…

ஒரு குழந்தை தன் தாயிடம்.. தான் தூங்க வேண்டுமென்றால் கதை சொல்ல வேண்டும் என்கிறான்.. அதன்படி தாய் தன் குழந்தைக்கு கதை சொல்வதாக இந்தப் படத்தின் காட்சிகள் நீள்கிறது..

8000 வருடங்களாக வாழ்ந்து இன்றும் வாழ்ந்து கொண்டிருக்கும் நிவின் பாலி ஒரு ரயிலில் பயணிக்கிறார்.. அந்த ரயிலில் ஒரு எலி புதிதாய் பிறந்த தன் குட்டி குஞ்சுகளுடன் பயணிக்கிறது.. அதற்கு உண்டான பராமரிப்புகளை செய்து கொண்டிருக்கிறார் நீவின்பாலி..

அப்போது அந்த ரயிலில் மற்றொரு பயணியாக சூரி வந்து சேர்கிறார்.. அவர் எட்டு ஆண்டுகளாக வெளிநாட்டில் பணிபுரிந்து தன் மகனை தீபாவளி தினத்தன்று காண ரயிலில் பயணித்துக் கொண்டிருக்கும் போது இருவருக்கும் சின்னச் சின்ன கருத்து வேறுபாடுகள் வருகிறது..

நிவினுக்கு பிடித்தமான அந்த ஏலியை சூரி துன்புறுத்த இருவருக்கும் பிரச்சனை வெடிக்கிறது..

சூரியை நிம்மதியாக பயணிக்க விடாமல் விடாமல் நிவின் பாலி தன் கட்டுக்கள் வைத்திருக்கிறார்..

தன் தீபாவளி பயணம் இப்படி தொடங்குகிறது என நினைக்கும் சூரி என்ன செய்தார்.? சாகாவரம் பெற்ற 8000 வருடங்கள் வாழ்ந்த ஒருவரின் பயண தேடல் என்ன என்பதெல்லாம் சுவாரஸ்யமான திரைக்கதை..

நடிகர்கள்..

நிவின் பாலி – சூரி – அஞ்சலி – எலி..

மலையாளத்தில் சிறந்த நடிகராக பெயர் பெற்ற நிவின் பாலி தமிழில் ஓரிரு படங்களில் நடித்திருக்கிறார்… மலையாள சினிமா போல தமிழில் ஒரு படம் வேண்டும் என கேட்கும் ரசிகர்களுக்காக இந்த படத்தை கொடுத்திருக்கிறார் இயக்குனர் ராம்..

நீண்ட தலை முடி தாடி என இயேசுநாதர் போல சாந்தமான கேரக்டர் நிவின் பாலி நடித்திருக்கிறார்.. ஆனால் இவரிடம் பிரச்சனை செய்தால் காடு தாங்காது என்பது போல ஆக்ரோஷத்தில் வெடித்து நடிப்பில் மிரட்டி இருக்கிறார்..

சூரி தற்போது கதை நாயகனாக தன் சினிமா வாழ்வில் உயர்ந்து விட்டாலும் அதற்கு முன்பு ஒத்துக்கொண்ட இந்த ஏழு கடல் ஏழு மலை படத்தை அழகாக நகர்த்தில இருக்கிறார்..

ஒரு கிறுக்கனிடம் மாட்டிக் கொண்ட ஒருவனின் மனநிலை எப்படி இருக்கும்.? அதே சமயத்தில் தன் குழந்தையை பார்க்காமல் மரணித்து விடுவோமோ என்ற பதட்டத்தில் சிறந்த பங்களிப்பை கொடுத்திருக்கிறார்

வெள்ளை உடை அணிந்து வந்த வானத்து தேவதையாக அஞ்சலி.. அழகு என்றாலும் அழுக்கு மனிதர்களிடம் அவர் காட்டும் அன்பு அதைவிட அழகானது..

எலியும் இந்த படத்தில் ஒரு கேரக்டர்.. அதற்காக 70 எலிகளை வைத்து படமாக்கி உள்ளதாக தெரிவித்துள்ளனர்…

தொழில்நுட்பக் குழு…

Writer & Director – Ram
Starring – Nivin Pauly, Anjali, Soori
Producer – Suresh Kamatchi
Music – Yuvan Shankar Raja
Additional Music – Santhosh Dhayanidhi
DOP – N K Ekhambram
Editor – Mathi VS

PRO – A. John
Stills – Jaikumar Vairavan

யுவன் ஷங்கர் ராஜா – சந்தோஷ் தயாநிதியின் இசை கூட்டணி.. ‘குறிஞ்சி மலர்களை பறிக்க ஆளில்லை…’ ‘கெஞ்சுறேன்… கெஞ்சுறேன்…’ உள்ளிட்ட பாடல்கள் ரசிக்க வைக்கிறது..

ஒளிப்பதிவாளர் ஏகாம்பரம்… படம் முழுக்க விறுவிறுப்பான ரயில் பயணம் அதில் அடிதடி காட்சிகள்… கொஞ்சம் அன்பு.. கொஞ்சம் கருணை உள்ளிட்ட அனைத்தையும் அழகாக படமாக்கி இருக்கிறார்..

தங்க மீன்கள் – பேரன்பு – தரமணி உள்ளிட்ட தரமான படங்களை கொடுத்தவர் இயக்குனர் ராம்.. அவரது ஏழாவது திரைப்படம் ஆக இந்த ஏழு கடல் ஏழுnமலை உருவாகியுள்ளது ள்..

இதுவும் ஒரு வித்தியாசமான படைப்பாகவே கொடுத்திருக்கிறார்…. சில காட்சிகள் சோர்வை தந்தாலும் ஒரு அழகான உணர்வுபூர்வமான ஒரு அன்பான படத்தை கொடுத்திருக்கிறார் இயக்குனர் ராம்…

கதை ஓட்டத்தில் ஒரு தாய் தன் மகனிடம் கதை சொல்வதை வைத்து சில அனிமல்ஸ் அனிமேஷன் காட்சிகளை வைத்து குழந்தைகளையும் கவர்ந்து விடுகிறார்..