நானி நடித்த தி பாரடைஸ் – விமர்சனம்

கதை…

இந்தியா சுதந்திரம் அடைந்து விட்டாலும் சவாரி என்ற இனத்தினருக்கு இந்தியர்கள் என்று அங்கீகாரம் கிடைக்கவில்லை.. ஒரு தனிப்பட்ட முதலாளித்துவத்தால் இவர்களுக்கான அங்கீகாரம் தடைப்படுகிறது..

இந்த சவாரி இனத்தில் பிறந்த நாயகன் நானி தன் இன மக்களுக்காக போராடி அவர்களுக்கான அங்கீகாரத்தை பெற்றுத் தந்தாரா என்பதுதான் திரைக்கதை..

நடிகர்கள்…

நானி பிறக்கும்போதே இரட்டையராக தன் தங்கையுடன் பிறக்கிறார்.. ஆனால் தங்கை இறந்து விடுகிறார்.. எனவே அம்மா இவருக்கு பெண் போல நீண்ட தலை முடி வளர்த்து சடை போட்டு விடுகிறார்.. அன்று முதல் இவரை எல்லோரும் சடையன் என்று பெயரிட்டு அழைக்கிறார்கள்..

நானி ரசிகர்களுக்காகவே பல ஆக்சன் மற்றும் பாடல் காட்சிகளை வைத்திருக்கிறார் இயக்குனர்.. ஆக்சன் காட்சி முடிந்து பாடல் வருகிறது… பாடல் முடிந்து ஆக்சன் வருகிறது.. இதற்கு இடையில் சில வசனங்கள் இடம் பெறுகிறது… படம் முழுக்க வன்முறை வன்முறை.. என ரத்தம் தெரிக்க கதை சொல்லி இருக்கிறார் இயக்குனர்..

ஹீரோயினாக கையாடு லோகர்.. கவர்ச்சி பொம்மையாக இளைஞர்களை கிறங்கடிக்கிறார்..

நானி அம்மாவாக சோனாலி குல்கர்னி, நண்பராக சம்பூர்னேஷ் பாபு, தணிகலபரணி, விஷிகா, கிருஷ்ண தேஜா, ஈஸ்வரி ராவ் ஆகியோர் தங்களது பணியை குறையில்லாமல் செய்திருக்கிறார்கள்..

முக்கியமான கேரக்டரில் மோகன் பாபு.. பட்டையை கிளப்பி இருக்கிறார்.. அவரது தோற்றம் படத்திற்கு கூடுதல் பலம்.. அதுபோல இவரது மகன் கேரக்டரும் ரிச் லுக்கில் சிறப்பாக இருக்கிறது…

தொழில்நுட்பக் குழு…

அனிருத் இந்த படத்திற்கு இசையமைத்திருக்கிறார்.. பாடல்களை தெறிக்கவிட்டுள்ளார்.. பின்னணி இசை படு இரைச்சல்.. காதை கிழிக்கிறது..

ஒளிப்பதிவாளர் சி.எச்.சாய்.. பாரடைஸ் உலகத்தை பிரம்மாண்டமாக காட்டியிருக்கிறார்.. சவாரி இன மக்களின் வாழ்வியலையும் அழகாக படம் பிடித்திருக்கிறார்..

படத்தொகுப்பாளர் நவீன் நூலி.. எடிட்டிங் பணியை மெனக்கட்டு செய்திருக்கலாம் ஏகப்பட்ட பாடல்கள் ஆப்ஷனை குறைத்திருக்கலாம்..

ஸ்ரீகாந்த் ஓடெலா படத்தை இயக்கியிருக்கிறார்.. சுதந்திர இந்தியாவில் அடிமைத்தனத்தில் இருக்கும் ஒரு இன மக்களுக்காக போராடும் நாயகன் கதை என்றாலும் அதை ரத்தம் தெறிக்க தெறிக்க சொல்லியிருக்கிறார்.. புரட்சி & போராட்டம் என்றால் ரத்தம் இல்லாமல் இருக்குமா என்ற கேள்வி வரும்.. ஆனால் ஓவர் வன்முறையால் நம்மால் பார்க்க முடியவில்லை என்பது நிதர்சனமான உண்மை..