PARIS CAFE பாரிஸ் கஃபே – விமர்சனம்…

கதை…

குரு சோமசுந்தரம் – அனுமோல் இருவரும் காதலித்து திருமணம் செய்தவர்கள்.. குரு ஒரு அரசு மருத்துவர்… அனு ஒரு சிவில் இன்ஜினியர்.. சமூகத்தில் நல்ல அந்தஸ்தில் வசதியுடன் வாழ்கின்றனர்.. இவர்களுக்கு 25 வயதில் ஒரு மகள் உண்டு அவர் அர்ச்சனா..

ஒருமுறை அரசியல்வாதிகள் மற்றும் பிரபலங்களின் நிர்பந்தத்தால் ஒரு ஆணவக் கொலைக்கு போஸ்ட்மார்ட்டம் செய்யும் போது அதை தற்கொலை என சர்டிபிகேட் கொடுக்கிறார் டாக்டர் குரு..

இதனை அறியும் அனு.. ஒரு கொலைக்கு நீங்கள் உடந்தையாக இருந்து விட்டீர்கள்.. எனவே நீங்களும் ஒரு குற்றவாளி தான்.. இனி உங்களுடன் வாழ முடியாது என வீட்டை விட்டு பிரிந்து செல்கிறார்..

அதன் பிறகு அவர்களை சமாதானம் செய்ய மகள் வருகிறார்.. உன் அப்பா தவறை உணர்ந்து குற்றவாளி என ஒப்புக் கொண்டால் தான் மீண்டும் வீட்டிற்கு வருவேன் என்கிறார்..

அதன் பிறகு மகள் எடுத்த முடிவு என்ன என்பதுதான் திரைக்கதை..

நடிகர்கள்…

குரு சோமசுந்தரம் – அனு ஒரு ஜோடி..

அர்ச்சனா மற்றும் விஜய் விஷ்வா.. ஒரு ஜோடி..

பிளாஸ் பேக்கில் காதலர்களாக.. சாய் விக்கி மற்றும் நயனா.

இத்துடன் சில வில்லன்கள்..

இந்த மூன்று காதல் ஜோடிகள் மற்றும் வில்லங்கங்களை சுற்றியே கதைக்களம் அமைக்கப்பட்டுள்ளது..

சாய் மற்றும் நயனா ஜோடி ஓகே.. ஆனால் குரு மற்றும் அணு இருவரும் அனுபவம் நடிப்பில் தம்பதிகளாக ஜொலிக்கின்றனர்.. காதலித்து திருமணம் செய்தாலும் கணவன் செய்த குற்றத்தை எதிர்க்கும் பெண்ணியவாதியாக அனு அசத்தியிருக்கிறார்..

குடும்ப நலனுக்காக ஒரு தவறை செய்து விட்டு குற்ற உணர்ச்சி தவிக்கும் ஒரு மருத்துவர் கேரக்டருக்கு பக்கா பொருத்தம் குரு சோமசுந்தரம்..

அர்ச்சனா மற்றும் விஜய் விஸ்வா ஜோடி ஹை கிளாஸ் ஜோடி..

தொழில்நுட்ப குழு…

ஒளிப்பதிவு சூப்பர்.. அழகான காட்சிகளை கொடுத்திருக்கிறார் ஒளிப்பதிவாளர் அதுபோல பின்னணி இசையும் பாடல்களும் படத்துடன் ஒன்றி பயணிப்பது சிறப்பு..

ஆணவக் கொலை…தற்கொலை இதுபோன்ற திருப்புமுனை காட்சிகள் நிறைய கிராம படங்களில் இருக்கும்.. ஆனால் ஒரு ஆணவக் கொலையை சிட்டி சப்ஜெக்ட் உடன் கலந்து அதில் ஒரு குடும்பத்தின் நிலை எப்படி இருக்கும் என்பதை வித்தியாசமான முறையில் சொல்லி இருக்கிறார் இயக்குனர் சாரவ் ஜீவன்..

குடும்பத்திற்காக தவறு செய்த கணவன்.. சமூகத்திற்காக போராடும் மனைவி.. என வித்தியாசமான கோணத்தில் படமாக்கி இருப்பது சிறப்பு..