ஒன் மேன் – விமர்சனம்..

 நான்கு நண்பர்கள் & கார் டிரைவர் என திரை பயணம் தொடங்குகிறது..

கதை…

மனிதனின் பேராசைக்கு எல்லை இல்லை.. இப்படியான சூழ்நிலையில் ஒரு அரியவகை கண்டுபிடிப்பு மூலம் உலகில் எந்த உயிரினமும் இல்லாத சூழ்நிலையில் நான்கு நண்பர்கள் உலகையே ஆள நினைக்கிறார்கள்.. அவர்களின் ஆசை நிறைவேறியதா.? அதன் பிறகு என்ன நடந்தது.? என்பதெல்லாம் இதுவரை சொல்லப்படாத சுவாரஸ்யமான திரைக்கதை..

நடிகர் &:தொழில்நுட்ப கலைஞர்

உலக சினிமாவில் இதுவரை எவரும் செய்யாத இந்த புதுமையான முயற்சிக்காகவே சங்ககிரி ராஜகுமாரை வெகுவாக பாராட்டலாம்..

சிறிய கூட்டம் ஒன்று காண்பிக்கப் பட்டாலும் அதிலும் அனைத்து முகங்களும் அனைத்து கேரக்டர்களையும் இவரே செய்திருப்பது நம்மை வியக்க வைக்கிறது..

சினிமா துறையில் இருக்கும் 50க்கும் மேற்பட்ட சங்கங்களை ஒரே ஆளாக கையாண்டிருப்பது ஆச்சரியத்தின் உச்சம்..

நடிப்பு ஒளிப்பதிவு இசை படத்தொகுப்பு காஸ்டியூம் கலை நடனம் சண்டை இப்படியாக பல்வேறு துறைகளையும் சங்ககிரி ராஜ்குமார் என்ற ஒரு நபரே செய்திருப்பது எல்லையில்லா முயற்சி..

தமிழகத்தில் இருந்து அமெரிக்கா செல்லும் திரைக்கதையை அமைத்திருக்கிறார்.. அங்கும் ஒருவரே பணியாற்றி இருப்பது அவரின் சரித்திர சாதனையை சொல்லும்.. படத்தில் காட்டப்படும் மேக்கிங் வீடியோவை நிச்சயம் தவற விடாதீர்கள்.. அதுதான் அவரின் உழைப்புக்கு நாம் கொடுக்கும் மிகப்பெரிய மரியாதை..