முதல்வர் விஜய்யின் ஜனநாயகன் – விமர்சனம் 3.75/5

கதை…

சிறையில் கைதியாக இருக்கிறார் முன்னாள் போலீஸ் அதிகாரி விஜய்.. அங்கும் இவர் தனக்கான ஒரு கூட்டத்தை உருவாக்கி நன்மதிப்பை பெறுகிறார்..

இந்த சூழ்நிலையில் இவருக்கு உதவி செய்கிறார் போலீஸ் அதிகாரி கௌதம் மேனன் ஒரு கட்டத்தில் அவர் ஒரு விபத்தில் மரணம் அடைய அவரின் குழந்தை மம்தாவை இவர் வளர்த்து வருகிறார்.. இந்த நிலையில் மமிதாவுக்கு வில்லன் மூலம் பிரச்சனை வருகிறது..

இது ஒரு பக்கம் இருக்க மற்றொரு பக்கம்..

ஆப்பிரிக்காவில் இருக்கும் வில்லன் பாபி தியோல் ஒரு சதி திட்டத்தை இந்தியாவில் செயல்படுத்த முயற்சிக்கிறார்..

தன் வளர்ப்பு மகளுக்கு ஒரு பிரச்சனை… இந்தியாவுக்கு ஒரு பிரச்சனை.. இரண்டு பிரச்சனைகளையும் விஜய் எப்படி சமாளித்தார் என்பதுதான் இந்த ஜனநாயகம்(ன்)

*நடிகர்கள்…

* தளபதி விஜய்
* பூஜா ஹெக்டே
* பாபி தியோல்
* மமிதா பைஜூ

வழக்கம்போல ஆக்ஷனல் அடித்து தூள் கிளப்பி இருக்கிறார் விஜய்.. படத்தில் அவருக்கு ரொமான்ஸ் காட்சிகள் மட்டும் இல்லை. மற்றபடி வழக்கம் போல ஆட்டம் பாட்டம் டான்ஸ் பைட் என அதிரடியாக இந்த ஜனநாயகனை தூக்கி நிறுத்தி இருக்கிறார்.. அதிலும் ஒவ்வொரு சண்டைக் காட்சியிலும் 100 பேரை அடித்து ரத்த வெறி தாக்குதல் நடத்திருக்கிறார்..

மேலும் விஜய் தற்போது அரசியலுக்கு வந்து முதல்வராகி விட்டதால் அதற்கு ஏற்றபடி பல அரசியல் வசனங்களும் இடம் பெற்றுள்ளன.. முக்கியமாக ஏற்கனவே தமிழகத்தை ஆண்ட கட்சிகளை வாரி இருக்கிறார்..

இத்துடன் மாணவிகளை அனுமதி இன்றி தொடுவது குட் டச் பேட் டச் பாலியல் தொல்லை… கள்ளச்சாராய உயிர் பலி போராட்டம் என பல பாடங்கள் எடுத்திருக்கிறார்.. அதுபோல எம்ஜிஆர் பாணியில் நான் ஆணையிட்டால் அது நடந்து விட்டால் என பாட்டு பாடி அரசியல்வாதி பிரகாஷ்ராஜை வெளுத்து கட்டி இருக்கிறார்.

ஹீரோயின் பூஜா ஊறுகாய் போல பயன்படுத்தப்பட்டு இருக்கிறார்.. ஆனால் விஜய்க்கு நிகராக மமீதாவுக்கு பெரிய ஸ்பேஸ் கொடுத்திருக்கிறார் இயக்குனர்..

வில்லனாக ஹிந்தி நடிகர் பாபி தியோள் பட்டைய கிளப்பு இருக்கிறார்..

* கௌதம் வாசுதேவ் மேனன்
* பிரகாஷ் ராஜ்
* பிரியாமணி
* நரேன்
* சுனில்
* ரேவதி
* ஜி. எம். சுந்தர்
* ஷரத் ரவி
* அர்ஷத்

இத்தனை மிகப்பெரிய நட்சத்திரப் பட்டாளம் உள்ளது.. இவர்களை எல்லாம் படத்தில் பெரிய தாக்கத்தை ஏற்படுத்தவில்லை.. கதைக்கு பயன்படுத்தப்பட்டு இருக்கிறார்கள்.. இத்துடன் தற்போதைய தமிழக அமைச்சர்கள் மற்றும் விஜயின் சென்டிமென்ட் இயக்குனர் அட்லி நெல்சன் லோகேஷ் ஆகியோரும் ஓரிரு கட்சியில் வந்துள்ளனர்..

*தொழில்நுட்பக் கலைஞர்கள்…

* தயாரிப்பு: வெங்கட் K நாராயணா
* இணைத் தயாரிப்பாளர்கள்: ஜெகதீஷ் பழனிசாமி, லோகித் என். கே.
* இயக்கம்: H. வினோத்
* ஒளிப்பதிவு: சத்யன் சூரியன்
* படத்தொகுப்பு: பிரதீப் இ. ராகவ்
* கலை இயக்கம்: வி. செல்வகுமார்
* சண்டைக் காட்சிகள்: அனல் அரசு
* நடன அமைப்பு: சேகர் வி.ஜே., சுதன்
* ஆடை வடிவமைப்பு: பல்லவி சிங்
* ஒலியமைப்பு: சிங்க் சினிமா

* மக்கள் தொடர்பு: ரியாஸ் கே. அஹ்மத், பாரஸ் ரியாஸ்

படத்தின் இசையும் ஒளிப்பதிவும் மிகப்பெரிய பலம்.. சத்தியம் சூரியன் காட்சிகளை ஒளிப்பதிவு கலர்ஃபுல் ஆக்கியிருக்கிறார்..

ராவண மவன்டா… தளபதி கச்சேரி.. உன் பேரே வரலாறு உள்ளிட்ட பாடல்கள் ரசிகர்களுக்கு மிகப்பெரிய அரசியல் விருந்தாக அமைந்துள்ளது..

சண்டைக் காட்சிகளை அனல் அரசு வடிவமைத்துள்ளார் விஜய்க்கு ஏற்ப மாஸ் காட்டி இருக்கிறார்.. முக்கியமாக கிளைமாக்ஸ் ரோபோட்டிக் ஃபைட் நம்பும் படியாக இல்லை.. ஆனால் ஹாலிவுட் படங்களுக்கு நிகராக வடிவமைத்துள்ளனர்..

விஜய்யின் கடைசி திரைப்படம் ஜனநாயகன். எனவே அவருக்கு ஏற்ற வகையில் அவரது ரசிகர்களுக்கு ஏற்ற வகையில் ஆட்டம் பாட்டம் பைட் சென்டிமென்ட் சோசியல் மெசேஜ் என அனைத்தையும் கலந்து கொடுத்து இருக்கிறார் இயக்குனர் ஹச் வினோத்..

ஆனால் இது தெலுங்கில் பாலையா நடிப்பில் சூப்பர் ஹிட்டான பகவத் கேசரி படத்தில் ரீமேக் போலவே உள்ளது.. சில காட்சிகளை விஜய்க்காக மாற்றம் செய்துள்ளார்.. ஆனால் இன்னும் கூடுதல் திரைக்கதையில் திருப்புமுனை வைத்து இந்த ஜனநாயகனை ரசிகர்கள் ஏற்றுக் கொள்ளும்படி அமைத்து இருக்கலாம்..

Jana Nayagan movie review