கட்டா குஸ்தி 2 – விமர்சனம் [4.75/5]

கதை…

விஷ்ணு விஷால் ஐஸ்வர்யா லட்சுமி தம்பதிக்கு சாரா என்ற ஆறு வயது மகள் உண்டு.. குஸ்தியில் சாம்பியன் ஆன ஐஸ்வர்யாவுக்கு நல்ல உத்தியோகம் கிடைக்க அவர் வேலைக்கு செல்கிறார்..

இதனால் விஷ்ணு ஹவுஸ் ஹஸ்பண்ட் ஆக இருந்து வீட்டை பொறுப்பாக பார்த்து குழந்தையை வளர்த்து வருகிறார்..

பள்ளியில் உன் அப்பா என்ன செய்கிறார் என்ற சாராவிடம் கேட்டால் ஹவுஸ் ஹஸ்பண்ட் என்கிறார்.. அப்படி சொல்வதால் ஒரு பிரச்சனையும் இல்லையே என ஐஸ்வர்யா விஷ்ணுவிடம் சண்டையிடுகிறார்..

ஒரு கட்டத்தில் இந்த ஈகோ பிரச்சனை முற்றுகிறது.. நாளடைவில் இது விவகாரத்து சூழ்நிலை ஏற்படுகிறது..

இறுதியில் என்ன ஆனது என்பதுதான் படத்தின் சுவாரசியமான திரைக்கதை..

நடிகர்கள்…

Vishnuu Vishal, Aishwarya Lekshmi, Ramya Krishnan, Yogi Babu, Karunaas, Muniskanth, Kaali Venkat, Karunakaran, Zara, Mokksha and others.

பெரும்பாலும் ஹவுஸ் ஹஸ்பண்ட் கேரக்டருக்கு எந்த ஒரு முன்னணி நட்சத்திரமும் ஒத்துக்கொள்ள மாட்டார்கள் ஆனால் அந்த கேரக்டரை காமெடியாகவும் ஜாலியாகவும் செய்திருக்கிறார் விஷ்ணு விஷால்..

குஸ்தி மற்றும் வேலை என பிசியான வேலையில் ஐஸ்வர்யா லட்சுமி.. ஆனாலும் பெண்களுக்கே உரிய சந்தேக புத்தியில் கூட கவர்கிறார். சம்பவக்காரி பாடலில் சரியான ஆட்டம் போடுகிறார்…

குழந்தை நட்சத்திரம் பேபி சாரா.. படம் முழுக்க சபாஷ் பெறுகிறார்.. அவர் அடிக்கும் லூட்டி அவர் பேசும் வசனங்கள் என ஒவ்வொன்றும் ரசிக்கும் ரகம்..

ஸ்கூல் டீச்சராக வரும் மோக்ஷா.. அழகிலும் நடிப்பிலும் பின்னி எடுத்து இருக்கிறார்.. அப்படி போடு போடு என்ற பாடலுக்கு இவர்கள் போடும் ஆட்டம் ரசித்து ரசித்து சிரித்து ரசிக்கலாம்..

முனீஸ்காந்த், கருணாஸ், காளிவெங்கட் லிசா ஆண்டனி.. என ஒவ்வொருவரும் தங்கள் கேரக்டரில் பட்டையை கிளப்பி இருக்கிறார்கள்.. காமெடி வேற லெவல்..

படம் முடியும் 20 நிமிட நேரத்தில்தான் ரம்யா கிருஷ்ணன் மற்றும் யோகி பாபு என்ட்ரி கொடுக்கிறார்கள்… இருவரும் வந்த பிறகு படத்தின் காமெடி வேகம் இன்னும் அதிகமாகிறது.. இப்படி ஒரு நீதிபதி கிடைத்திருக்கவே மாட்டார் என்னும் அளவுக்கு ரம்யா கிருஷ்ணன் தன்னுடைய நடிப்பில் மிரட்டி இருக்கிறார்.. யோகி பாபு பாபு தன் பங்குக்கு ஒன்லைன் காமெடியில் கலக்கி இருக்கிறார்..

தொழில்நுட்ப கலைஞர்கள்…

Music : Sean Roldan
DOP : KM Bhaskaran

சான ரோல்டன் இசையமைத்திருக்கிறார் ரெஸ்லிங் காட்சிகளில் காட்சிகளில் பின்னணி இசையில் தெறிக்க விட்டுள்ளார்.. சம்பவகாரி பாட்டு ஏற்கனவே ஹிட் அடித்தது.. தியேட்டரில் ரசிகர்கள் ஆட்டம் போடுவதை காண முடிகிறது..

பாஸ்கரன் ஒளிப்பதிவு செய்திருக்கிறார்.. காட்சிகள் அனைத்தையும் பார்த்து ரசித்திட தன் பணியை நேர்த்தியாக செய்திருக்கிறார்..

Marketing and Promotions : Siddarth Srinivas

PRO – Sathish (AIM)

Written and Directed by – Chella Ayyavu
Produced by Vels Film International, Vishnuu Vishal Studioz.
Producers : Dr Ishari K Ganesh & Vishnuu Vishal

செல்லா அய்யாவு முதல் பாகத்தை இயக்கியவரே இந்த படத்தையும் இயக்கி இருக்கிறார்.. முதல் பாகத்தில் இருந்ததைவிட இந்த படத்தில் கூடுதல் கவனம் செலுத்தி திரைக்கதையில் அதிக மெனக்கடல் கொடுத்திருக்கிறார்..

குட்டி பாப்பா சாரா படம் முழுவதும் கலக்கி இருக்கிறார்.. கணவன் மனைவி விவாகரத்து செய்துவிடும்போது அவர்களின் விருப்பத்தை விட குழந்தையின் விருப்பம் முக்கியம் என்பதையும் காட்சிப்படுத்து ரசிகர்களின் கைதட்டலை அள்ளுகிறார்..

கணவன் மனைவி பிரச்சினையில் யாரும் வரக்கூடாது என்பதை வில்லன் மூலமாகவும் நீதிபதி மூலமாக உணர வைத்து இருக்கிறார்..

மனைவி வீட்டு வேலைகளை செய்யும்போது கணவன் வேலைக்கு செல்வதும் கணவன் வீட்டு வேலைகளை செய்யும் போது மனைவி வேலைக்கு செல்வதும்.. இருவருக்கும் குடும்பத்தில் சம பங்கு உண்டு என்பதை காட்சிப்படுத்திருக்கிறார்..

ஆக ஒரு நிமிடம் கூட யோசிக்காமல் கட்டாகுஸ்தி படத்தை குடும்பத்துடன் சென்று அனைவரும் பார்த்து ரசித்து வரலாம்..