கர – திரை விமர்சனம்… 4.5/5..

கதை…

1990 ஆம் ஆண்டுகளில் ராமநாதபுரம் மாவட்டத்தில் நடக்கும் கதை களத்தில் தனுஷ் நடிக்க விக்னேஷ் ராஜா இயக்கத்தில் உருவாகிய திரைப்படம் கர.

வங்கியில் கொள்ளை அடிக்கிறார் தனுஷ்.. அதன் பிறகு போலீஸிடம் சிக்கிக் கொள்கிறார்.. சில ஆண்டுகளுக்குப் பிறகு திருந்தி வாழ ஆசைப்பட்டு உணவகம் ஒன்றை நடத்தி வருகிறார் தனுஷ்.. அதற்கு பணம் தேவைப்படுவதால் தந்தை கே எஸ் ரவிக்குமாரின் உதவியை நாடி மீண்டும் வீட்டிற்கு வருகிறார்..

அப்போது தங்களின் நிலம் வங்கியால் ஜப்தி செய்யப்படுவதை அறிகிறார்.. மீண்டும் வங்கிக்கு எதிராக செயல்பட ஆரம்பிக்கிறார் தனுஷ்.. அதன்படி மீண்டும் கொள்ளை அடிக்க திட்டமிடுகிறார்.. அதன் பிறகு என்ன நடந்தது.? இவர் வங்கியை கூறி வைப்பதன் காரணம் என்ன என்பதெல்லாம் மீதிக்கதை..

 

நடிகர்கள்…

தனுஷ், மமிதா பைஜூ, சுராஜ் வெஞ்சரமோடு, கே எஸ் ரவிக்குமார், ஜெயராம், எம் எஸ் பாஸ்கர், ஸ்ரீஜா ரவி, கருணாஸ், ப்ருதிவி பாண்டியராஜன் உள்ளிட்டோர் நடித்துள்ளனர்..

துணிவு படத்தில் (பேங்க்) வங்கியை கொள்ளை அடிப்பார் அஜித்.. அந்த வரிசையில் வங்கிகளை கொள்ளை அடிக்கும் தனுஷ் படமாக இந்த கர வந்திருக்கிறது.. மக்களுக்காக போராடுவது தந்தைக்காக உருகுவது என அனைத்திலும் அசர வைக்கும் நடிப்பை கொடுத்திருக்கிறார் தனுஷ்..

கிளாமர் பெண்ணாக மாடர்ன் பெண்ணாக வந்த மமீதா பைஜூ இதில் பக்கா கிராமத்து பெண்ணாக நடிப்பில் கவர்ந்திருக்கிறார்.. நாயகிக்கு இன்னும் கொஞ்சம் வேலை கொடுத்து இருக்கலாம்..

போலீஸ் கேரக்டரில் மலையாள நடிகர் சுராஜ் வெஞ்சரமூடு.. சமீபத்தில் சூப்பர் ஹிட்டான யூத் படத்தில் அப்பாவாக நடித்த கவர்ந்தவர் இந்த படத்திலும் நடிப்பில் மிரட்டி இருக்கிறார்..

வில்லனாக ஜெயராம்.. இவர் தான் வில்லன் என்று தெரியாத அளவிற்கு தன்னுடைய மெச்சூரிட்டான நடிப்பை கொடுத்து இருக்கிறார்..

வயதான விவசாயியாக எம்எஸ் பாஸ்கர்.. கொஞ்ச நேரம் வந்தாலும் நடிப்பில் நிறைவாய் கொடுத்திருக்கிறார்.. தனுஷின் நண்பராக பிரித்வி பாண்டியராஜன் வருகிறார்..

சீரியஸான இந்தப் படத்தில் கொஞ்சம் காமெடிக்கு பயன்படுத்தும் பட்டுள்ளார் கருணாஸ்..

கே எஸ் ரவிக்குமார்.. இவருக்கு நிச்சயம் விருதுகள் கிடைக்கும்.. இந்த படத்தின் மூலம் இவருக்கு இனி தந்தை கேரக்டர்கள் நிறைய வரும் அப்படி ஒரு நடிப்பை கொடுத்திருக்கிறார் கே எஸ் ஆர்..

தனுஷ் அம்மாவாக ஸ்ரீஜா ரவி.. நம் வீட்டு நம் பக்கத்து வீட்டு அம்மாக்களையும் நினைவுபடுத்துகிறார்.. ஆடுகளம் நரேன் ஓரிரு காட்சியில் வந்தாலும் கவனிக்கத்தக்க நடிப்பை கொடுத்திருக்கிறார்..

தொழில்நுட்ப கலைஞர்கள்…

ஜிவி பிரகாஷ் இசையமைத்திருக்கிறார்.. கண்ணம்மா கண்ணம்மா பாடல் ரசிகர்களின் எவர்கிரீன் பேவரைட் ஆக அமைந்துள்ளது.. தந்தை மகன் சென்டிமென்ட் காட்சிகளில் நம்மை அறியாமல் இசை மூலம் அழ வைக்கிறார் ஜிவி பிரகாஷ்..

தேனி ஈஸ்வர் ஒளிப்பதிவு செய்து இருக்கிறார்.. வறட்சி மாவட்டமான ராமநாதபுரம் மாவட்டத்தை கண் முன் நிறுத்தி இருக்கிறார் ஒளிப்பதிவாளர்.. அது வெறும் காட்சியாக மட்டுமல்லாமல் அவர்களின் வலியையும் கண்கள் மூலம் கடத்தி இருக்கிறார்..

போர் தொழில் படத்தின் மூலம் கவனம் ஈர்த்த விக்னேஷ் ராஜா..

எதார்த்தமான சாமானியன் ஒருவன் வங்கிகளுக்கு எதிராக செயல்படுவது ஏன்? என்பதற்கு அழகான உணர்வுபூர்வமான கதையை சொல்லி இருக்கிறார் இயக்குனர் விக்னேஷ் ராஜா..

கையில் பணம் இருந்தால் அதற்கு பாதுகாப்பு இல்லை.. வங்கிகள் மட்டுமே பணத்திற்கான பாதுகாப்பு என்ற காலகாலமாக நம்பப்பட்டு வந்தாலும் இன்று வங்கிகள் மக்களுக்கு எதிராக எப்படி எல்லாம் செயல்படுகிறது.. அதன் அதிகாரிகளின் அலட்சியப் போக்கையும் அப்பட்டமாக காட்டியிருக்கிறார் இயக்குனர் விக்னேஷ் ராஜா..

விவசாயிகளின் பாதுகாவலனாக இருக்க வேண்டிய வங்கிகளே விவசாயிகளை அழிக்கும் விஷமாக மாறி இருப்பதை உணர்வுபூர்வமாக பதிவு செய்திருக்கிறார் இயக்குனர் விக்னேஷ் ராஜா..

Kara movie review