பிரேக் ஃபாஸ்ட் விமர்சனம்…

கதை….

கிர்த்திக்மோகன் & அமிதா.. – இவர்கள் இளம் தம்பதிகள் ஒரு கட்டத்தில் இவர்கள் கருத்து வேறுபாட்டால் பிரிந்து வாழ விவகாரத்து முடிவெடுக்கின்றனர்… அப்போது வக்கீல் கஸ்தூரியை நாடுகின்றனர்.. சமாதானம் சொல்வதற்காக வேறு ஒரு தம்பதிகளின் வாழ்வில் நடந்த கதையை சொல்கிறார் கஸ்தூரி..

அந்தக் காதல் கதையில் தொழிலதிபர் நாயகி ரோஸ்மின் ஒரு ஏழை ராணுவ் என்பவரை காதலிக்கிறார்.. அந்தக் காதல் கதையில் நடந்தது என்ன.? இறுதியில் விவகாரத்து முடிவு என்ன ஆனது.? காதலர்கள் பிரிந்தார்களா.? சேர்ந்து வாழ்ந்தார்களா.? என்பதெல்லாம் மீதிக்கதை..

நடிகர்கள்…

ராணவ், ரோஸ்மின், கஸ்துாரி, சம்பத், அர்ச்சனா, கிர்த்திக்மோகன், அமிதா

இரண்டு காதல் கதைகள்.. இரண்டிலும் காதலும் அதிகம் மோதலும் அதிகம்.. அழகான காதல் கதையை ஆரவாரமாகவே சொல்லி இருக்கிறார் இயக்குனர்..

ராணவ் – ரோஸ்மின்..

கிர்த்திக்மோகன் – அமிதா..

இவர்களும் நிஜ தம்பதியராகவே வாழ்ந்திருக்கிறார்கள்.. இன்றைய காதல் தம்பதிகளுக்குள் ஏற்படும் பிரச்சனைகள் அவர்களுக்கு வரும் ஈகோ மோதல் என அனைத்தையும் அழகாக வெளிப்படுத்தி நன்றாகவே ஸ்கோர் செய்துள்ளனர்..

ராணவ் அம்மாவாக அர்ச்சனா, அப்பாவாக ரங்கநாதன்.. ஹீரோயின் அப்பாவாக சம்பத் ஆகியோரும் தங்கள் அனுபவ நடிப்பில் கவர்கின்றனர்..

வழக்கறிஞர் கேரக்டருக்கு பக்காவாக பொருந்தி போகிறார் கஸ்தூரி.. அவரது ட்விஸ்ட் எதிர்பாராத ஒன்று..

தொழில்நுட்ப கலைஞர்கள்…

ஒளிப்பதிவு: எம்.வி.பன்னீர்செல்வம்
இசை: ஜி.வி.பிரகாஷ்

பன்னீர்செல்வத்தின் ஒளிப்பதிவும் ஜி வி பிரகாஷ் இசையும் கலர்ஃபுல்லாக பயணிக்க உதவி இருக்கிறது.. இரண்டும் பிரேக் பாஸ்ட்க்கு கூடுதல் சுவை..

தயாரிப்பு: கிரிஜா வரதராஜ்
இயக்கம்: ஏ.ஆர்.காந்திகிருஷ்ணா

செல்லமே, ஆனந்த தாண்டவம்’ படங்களை இயக்கியவர் ஏ.ஆர்.காந்தி கிருஷ்ணா..

காதலுக்குள் பிரச்சனை.. திருமண உறவுகள் பிரச்சனை அவர்களுக்கு ஆலோசனை சொல்லும் பெரியவர்கள் என வழக்கமான டெம்ப்ளேட்டில் பயணிக்கிறது.. பிரச்சனைக்கு எல்லாம் சண்டை போடும் தம்பதிகளை கண் முன் நிறுத்தி இருக்கிறார்..

தம்பதிகள் அட்ஜஸ்ட் செய்து விட்டுக் கொடுத்துப் போனால் மட்டுமே வாழ்க்கை சுவாரசியமாகும் என சொல்லி இருக்கிறார் இயக்குனர் ஏ.ஆர்.காந்தி கிருஷ்ணா..