காக்கி சர்க்கஸ் – வெப் சீரிஸ் விமர்சனம்

கதை…

தமிழகம் – கேரளா எல்லைப் பகுதியில் ஒரு ஜெயில் இருக்கிறது… இதில் ஜெயில் அதிகாரி முனீஸ்காந்த்.. சிறைக்கு வரும் கைதிகளை துன்புறுத்தாமல் அவர்களுக்கு தான் கைப்பட எழுதிய புத்தகங்களை கொடுத்து படித்து திருந்தி வாழ சொல்கிறார்.. இவரின் கீழ் வேலை பார்க்கும் மற்றொரு போலீஸ் நாயகன் சுபாஷ் செல்வம்..

இந்த சிறைச்சாலையில் ஒரு கேரளா அம்மன் கோயிலை சார்ந்த உண்டியல் வைக்கப்படுகிறது.. இந்த உண்டியலில் கைதிகளும் பணம் போட்டு வேண்டிக் கொண்டால் விடுதலை ஆகலாம் என்ற நம்பிக்கையை வளர்க்கின்றனர்..

இப்படியான சூழ்நிலையில் ஒரு கட்டத்தில் அந்த ஜெயிலில் உள்ள உண்டியல் திருடப்படுகிறது.. சிறைச்சாலைக்குள் புகுந்து ஒரு திருட்டு நடந்தது என்றால் தங்களுக்கு அவமானம் என்று கருதும் போலீசார் அதை வெளியே தெரியாமல் அந்த திருடனை தேடி வருகின்றனர்.

இந்த சூழ்நிலையில் இந்த விஷயம் வெளியே கசிந்து வரும் நிலையில் அவர்கள் என்ன செய்தனர்.. அந்த உண்டியலை திருடியவன் யார்? எப்படி உள்ளே வந்தான்.? யார் என்பதெல்லாம் மீதிக்கதை..

நடிகர்கள்….

கதை நாயகர்களாக முனீஷ்காந்த் மற்றும் சுபாஷ் செல்வம்.. காமெடியும் கலந்து சீரிஸ் கேரக்டர் இருவரும் ஜொலிக்கின்றனர்.. எதிர்பாராத நேரங்களில் ஒன் லைன் காமெடி மூலம் முனிஷ்காந்த் படத்திற்கு வலு சேர்கிறார்..

மலையாள நடிகர் ராஜேஷ் மாதவன் கேரக்டர் எதிர்பாராத ஒன்று.. அப்பாவி முகம் ஆனால் செய்யும் ஒவ்வொன்றும் அலப்பறை வேற லெவல் ரகம்..

கதாநாயகிகளாக வின்சு ஷாம் மற்றும் கெளதமி.. இருவரும் நடிப்பில் கவனிக்க வைக்கின்றனர்.. கதையுடன் ஒன்றி இவர்களது கேரக்டர் அமைக்கப்பட்டிருப்பது சிறப்பு..

 

தொழில் நுட்ப கலைஞர்கள்…

ஒளிப்பதிவாளர் நீரஜ் ரவி, இசையமைப்பாளர் சேவியர் மற்றும் விபின் பாஸ்கர், படத்தொகுப்பாளர் அர்ஜுன் பாபு ஆகியோரின் பணிக்கு பாராட்டு.. ஆனால் எடிட்டர் முதல் 3 எபிசோடுகளை கொஞ்சம் கத்தரி போட்டு இருக்கலாம்..

எல்லா திருடனும் பணத்திற்காக திருடுவதில்லை.. சில திருடர்கள் தங்களுடைய இமேஜ்க்காக ஒரு கெத்துக்காகவும் திருடுகின்றனர் என்பதும் சொல்லப்பட்டிருக்கிறது..

சொல்லப்போனால் போலீஸ் விட திருடர்கள் சீரியஸாக காணப்படுகின்றனர்.. திருடனிடம் இருக்கும் சீரியஸ் போலீஸிடம் இல்லை..

சிறைச்சாலை கைதிகள் புத்தகம் படித்து திருந்தி வாழலாம் என்ற முனிஸ் கோட்பாடு படத்திற்கு ஒரு பிளஸ் பாயிண்ட் என்றும் சொல்லலாம்..