லவ் இன்சூரன்ஸ் கம்பெனி – விமர்சனம்

கதை…

காதலித்து திருமணம் செய்தவர் எஸ் ஜே சூர்யா.. ஒரு கட்டத்தில் இவரும் தனிமையில் இருக்க 2040 ஆம் ஆண்டு லவ் இன்சூரன்ஸ் கம்பெனி என்ற LIK செயலியை உருவாக்குகிறார்.. இதன் மூலம் காதலர்களுக்கு ஏற்படும் பிரச்சனைகளை தீர்த்து வைக்கிறார்.. தங்களின் காதல் உண்மைதானா என்று தெரிந்து கொள்ள இந்த செயலி உதவுகிறது.. இந்த செயலியின் ஒரு வாடிக்கையாளர் நாயகி கீர்த்தி செட்டி.

இது ஒரு புறம் இருக்க தொழில்நுட்ப வசதி இல்லாமல் பசுமை உலகம் என்ற கிராமத்தில் இருக்கிறார் சீமான்.. இவரது மகன் பிரதீப் ரங்கநாதன்.. தன் மகனையும் செல்போன் இல்லாத பசுமை உலகத்தில் வாழவைத்துக் கொண்டிருக்கிறார் சீமான்..

இந்த சூழ்நிலையில் நாயகி கீர்த்தி மீது காதல் கொள்கிறார் பிரதீப்.. ஒரு கட்டத்தில் அப்பாவுக்கு தெரியாமல் செல்போனை வாங்கி அந்த LIK செயலியை டவுன்லோட் செய்து காதலை வளர்க்க விரும்புகிறார்..

அடுத்தது என்ன நடந்தது? காதல் கைகூடியதா.? தொழில்நுட்பம் உதவி செய்ததா.? சீமான் என்ன செய்தார் என்பதெல்லாம் மீதிக்கதை..

நடிகர்கள்…

வழக்கம் போல இளைஞர்களை கவரும் வகையில் பிரதீப் ரங்கநாதன் பிரகாசிக்கிறார்.. கண்டதும் காதல்.. தொழில்நுட்பம்.. காதல் உணர்வுகள் என அனைத்தையும் அழகாகவே வெளிப்படுத்தி இருக்கிறார்.. தனக்கே உரிய மேனரிசத்தை பல காட்சிகளில் வெளிப்படுத்துகிறார்..

சோசியல் மீடியா உலகில் மூழ்கி இருக்கும் பெண்ணை பிரதிபலிக்கிறார் நாயக கீர்த்தி.. மேக்கப் கொஞ்சம் ஓவர் குறைத்திருக்கலாம்..

2040 ஆம் ஆண்டில் இப்படி ஒருவர் இருக்கக்கூடும் என்ற கேரக்டரை நினைவுபடுத்துகிறார் எஸ்.ஜே சூர்யா.. நடிப்பில் பட்டையைக் கிளப்பி இருக்கிறார்..

நீண்ட நாட்களுக்குப் பிறகு திரையில் நாம் தமிழர் சீமான்.. தொழில்நுட்பம் மாறினாலும் மனித உணர்வுகளுக்கு என்றும் மாற்றமில்லை என்பதை அறிவுரை மூலம் அழகாக சொல்லி இருக்கிறார்..

வித்தியாசமான தோற்றத்தில் யோகி பாபு.. கவர்ச்சியான பெண்மணியாக கௌரி உள்ளிட்டோரும் நடிப்பில் கவர்கின்றனர்..

பிரதீப் நண்பராக சாரா, நாயகி அம்மாவாக மாளவிகா, ஆனந்தராஜ், சுனில் ரெட்டி ஆகியோரும் கவனம் ஈர்க்கின்றனர்..

தொழில்நுட்ப கலைஞர்கள்…

ரவிவர்மனின் ஒளிப்பதிவு படத்திற்கு மிகப்பெரிய பலம்.. 2040 ஆம் ஆண்டில் இப்படி எல்லாம் இருக்குமா என்பதை இப்போதே பார்த்து தெரிந்து கொள்ள சூழ்நிலையை உருவாக்கி இருக்கிறார்..

சாங்ஸ் பெரிய ஹிட் அடிக்க வில்லை என்றாலும் துள்ளல் இசையை கொடுத்திருக்கிறார் அனிருத்.. இன்னும் கூடுதல் கவனம் செலுத்தி இருக்கலாம்..

எடிட்டிங் செய்திருக்கிறார் பிரதீப் ராகவ் முதல் பாதி விறுவிறுப்பு போதவில்லை.. காட்சிகளை கட்டிங் செய்திருக்கலாம்..

விக்னேஷ் சிவன் இயக்கியிருக்கிறார்.. சில படங்களின் தோல்விக்கு பிறகு இந்த லிக் பட வெற்றிக்காக காத்திருக்கிறார்..

ஒரு வளர்ந்த தொழில்நுட்பம் காதலைப் புரிந்து கொள்ளுமா மனித உணர்வுகளை வெளிப்படுத்த முடியுமா என்ற பல கேள்விகளுக்கு விடை அளித்திருக்கிறார்..

தொழில்நுட்பம் கலர்ஃபுல் காட்சிகளுக்கு அதிக இடம் கொடுத்து திரைக்கதையில் தடுமாற்றம் அடைந்திருக்கிறார் இயக்குனர் விக்னேஷ் சிவன்..