ஹேப்பி ராஜ் – விமர்சனம்

மரியா ராஜா இளஞ்செழியன் இயக்கத்தில், பியாண்ட் பிக்சர்ஸ் தயாரிப்பில் உருவாகியிருக்கும் படம் ஹாப்பி ராஜ்..

கதை…

ஜார்ஜ் மரியான் & கீதா கைலாசம் இவர்களின் மகன் ஜிவி பிரகாஷ்.. தந்தை ஆசிரியர் என்றாலும் சிறு வயது முதலே இவரை பலரும் உருவ கேலி செய்கின்றனர் குதிரை முட்டை என்பது இவரது பட்ட பெயராகும்.. ஒரு கட்டத்தில் இவரது மகனையும் குட்டி குதிரை முட்ட என சொல்ல ஆரம்பிக்கின்றனர்.. இதனால் தாழ்வு மனப்பான்மையில் வளர்கிறார்.. இவர் சைட் அடிக்க பெண்களும் இவரது தந்தையின் பெயரைச் சொல்லி அழைப்பதால் இன்னாரின் மகன் என்று சொல்லவே கூச்சப்படுகிறார் ஜிவி பிரகாஷ்.

ஒரு கட்டத்தில் வேலை காரணமாக பெங்களூர் செல்கிறார்.. அங்கு தன் திறமை மூலம் உயர்ந்த நிலையை அடைகிறார்..

நாயகி கௌரிப்பிரியாவை காதலிக்க அவரது அப்பா அப்பாஸ் அவர்களும் ஜிவி பிரகாஷின் காதலுக்கு ஓகே சொல்கிறார்..

இந்த சூழ்நிலையில் தான் அப்பாவை பார்க்க வேண்டும் என்கின்றனர்.. அப்பாஸ் ஹை கிளாஸ் ஃபேமிலி.. ஆனால் ஜார்ஜ் கிராமத்து மனிதர்..

இந்த சூழலில் ஜிவி பிரகாஷ் என்ன செய்தார்.? தன் தந்தையை அறிமுகப்படுத்தினாரா என்பதெல்லாம் மீதிக்கதை.

நடிகர்கள்…

ஹேப்பி ராஜ். ஜிவி பிரகாஷ் ஹீரோவாக நடித்திருக்கும் இந்த படத்தில் அவருக்கு ஜோடியாக ஸ்ரீ கௌரி பிரியா நடித்திருக்கிறார்.

ஹாப்பி ராஜ் என்ற டைட்டில் ஏற்ப படம் முழுவதும் ஹாப்பியாக ஜாலியான ஜிவி பிரகாஷ் காண முடிகிறது.. எமோஷன் காட்சிகளில் மட்டும் அவரது நடிப்பு போதவில்லை.. மற்றபடி படத்திற்கு பெருந்துணையாக இருந்திருக்கிறார் ஜிவி பிரகாஷ்..

நாயகியாக கௌரி பிரியா கொடுத்த பாத்திரத்தில் சிறப்பு.. அழகிலும் நடிப்பிலும் கவர்கிறார்..

பல ஆண்டுகளுக்கு பிறகு, நடிகர் அப்பாஸ் இந்த படத்தின் மூலம் கம்-பேக் கொடுத்திருக்கிறார்… அதேபோல ஸ்டைலிஷ் லுக்கில் வருகிறார்.. அவரது பிளாஷ்பேக் காட்சிகளும் அருமை..

படத்தின் கதாநாயகன் ஜிவி பிரகாஷ் என்றாலும் கதை நாயகனாக ஜார்ஜ் மரியம் வெளுத்துக்கட்டி இருக்கிறார்.. தாழ்வு மனப்பான்மையில் வளரும் ஒரு தந்தை சமூகத்தில் உயர்ந்த நிற்கும் மனிதராக மாமனிதராக உயர்ந்திருக்கிறார்.. இவருக்கு நிச்சயம் பல விருதுகள் கிடைக்க வாய்ப்பு உண்டு..

தொழில்நுட்ப கலைஞர்கள்…

ஜிவி பிரகாஷ் படத்திற்கு ஜஸ்டின் பிரபாகரன் இசையமைத்திருக்கிறார்.. ஆடின இருப்பேன் என்ற பாடல் ஆட்டமும் தாளமும் போட வைக்கிறது.. ஆனால் இடை இடையே இந்தி வரிகள் தேவையா?

படத்தின் காட்சிகள் கலர்ஃபுல்.. முக்கியமாக பெங்களூர் காட்சிகள் கலகலப்புக்கு பஞ்சமில்லை.. கிராமத்து மனிதர்களின் அன்பான கவனிப்பு அவர்கள் மீதான மதிப்பை கூட்டுகிறது..

மரியா ராஜா இளஞ்செழியன் என்பவர் இயக்கியிருக்கிறார்.. முதல் பாதி முழுவதையும் கலகலப்பாக கொண்டு சென்றவர் இரண்டாம் பாதியில் தாழ்வு மனப்பான்மை குடும்பம் ஹை கிளாஸ் குடும்பம் என இரண்டுக்கும் உள்ள வேறுபாடு காட்சிகளில் விவரித்து எவரும் சமூகத்தில் தோற்றத்தில் குறைந்தவர் இல்லை என்பதை ஆணித்தரமாக சொல்லியிருக்கிறார்..

ஆக ஹாப்பி ராஜ்.. ஹாப்பியாக குடும்பத்துடன் பார்க்கலாம்..