காதல் ரீசெட் ரிப்பீட் – விமர்சனம்

 

 

 

கதை…

 

 

 

 

நாயகி ஜியா சங்கர்.. இவரை ஒருதலையாக காதலிக்கிறார் நாயகன் மதும்கேஷ்.. ஆனால் நாயகிக்கு அர்ஜுன் அசோகன் மீது காதல்.. இப்படியான சூழ்நிலையில் ஒரு நாள் திடீரென பழையது அனைத்தையும் மறந்து விடுகிறார் நாயகி ஜீயா.. தான் யார் என்று தெரியாத சூழ்நிலையில் இவருக்கு அறிமுகம் ஆகிறார் ஒரு தலை காதலன் மதும்கேஷ்..

 

 

 

 

அதன் பிறகு நடந்தது என்ன.? யாருடைய காதல் கைகூடியது? இறுதியில் என்ன ஆனது என்பதெல்லாம் மீதிக்கதை..

 

 

 

 

நடிகர்கள்…

 

நாயகி ஜியா ஷங்கர்.. தன்னை சுற்றியே கதைக்களம் இருப்பதை உணர்ந்து தன் நடிப்பின் மூலம் கேரக்டருக்கு வலு சேர்த்து இருக்கிறார்..

 

 

 

 

ஒரு தலை காதலனாக காதலை சொல்லவும் முடியாமல் தவிக்கும் காட்சியில் மதும் கேஷ் நன்றாகவே ஸ்கோர் செய்திருக்கிறார்..

 

அலட்டிக் கொள்ளாத நடிப்பில் மற்றொரு நாயகன் அர்ஜுன் அசோகன்.. இவர்களுடன் விஜி சந்திரசேகர், ஜெயப்பிரகாஷ், எம்.எஸ்.பாஸ்கர் ஆகியோரது பங்களிப்பு இந்த காதல் படத்திற்கு கூடுதல் பலம்..

 

தொழில்நுட்ப கலைஞர்கள்…

 

நீண்ட நாட்களுக்குப் பிறகு திரையில் ஹாரிஸ் ஜெயராஜ் இசையைக் கேட்க முடிகிறது.. பின்னணி இசை பாடல்களும் ஓகே ரகம்தான்.. சில பாடல்கள் அவரது பழைய பாடலையே நினைவு படுத்துகிறது..

 

ஒளிப்பதிவாளர் அரவிந்த் கிருஷ்ணா.. விசா இல்லாமல் வெளிநாடு பறந்த உணர்வை தருகிறது..

 

பெரும்பாலும் வெளிநாட்டில் படத்தை முடித்து இருக்கிறார் இயக்குனர் விஜய்.. வழக்கமான முக்கோண காதல் கதை.. இதில் ஏதும் திருப்புமுனை இல்லாதது வருத்தம் தான்.. ஆனால் இளைஞர்களுக்கு ஒரு காதல் படத்தை கொடுக்க இந்த காதல் ரீசெட் ரிப்பீட் கொடுத்திருக்கிறார் இயக்குனர் விஜய்..