ஜேப்பியார் பல்கலைக்கழகம் நடத்தும் மானுட சாதனைகளின் உச்சம்: 9-வது பதிப்பு ‘ஜேப்பியார் ஐகான் விருதுகள் 2026’ கொண்டாட்டம்

சென்னை, மார்ச் 6, 2026— மரபு, அறிவுத்திறன் மற்றும் நவீன காலத்தின் சிறப்புகளை எல்லாம் ஒன்றிணைக்கும் ஒரு மாபெரும் நிகழ்வாக, ஜேப்பியார் பல்கலைக்கழகத்தின் மிக முக்கிய விழாவான 9-வது பதிப்பு ‘ஜேப்பியார் ஐகான் விருதுகள்’ இன்று அதன் பிரம்மாண்டமான அரங்கில் நடைபெற்றது.

தேசிய கலாச்சார வரைபடத்தில் ஒரு மைல்கல்லாக மாறியுள்ள இந்த விழா, புதுமை, தன்னலமற்ற தியாகம் மற்றும் தொழில்முனைவோர் மன உறுதி ஆகியவற்றின் மூலம் சமூக மாற்றத்தை ஏற்படுத்திய “சான்றோர்களையும்” “சாதனையாளர்களையும்” கௌரவிக்கிறது.

பல்கலைக்கழகத்தின் அசுர வளர்ச்சிக்குக் காரணமான தொலைநோக்கு பார்வையாளர்களான ஜேப்பியார் பல்கலைக்கழக நிறுவனர் மற்றும் வேந்தர் முனைவர் ரெஜினா ஜே முரளி மற்றும் ஜேப்பியார் பல்கலைக்கழகத் தலைவர் திரு. முரளி சுப்பிரமணியன் ஆகியோர் இந்த விழாவிற்குத் தலைமை தாங்கினர். தத்தமது துறைகளில் புதிய எல்லைகளை வகுத்த தலைச்சிறந்த ஆளுமைகளுக்கு அவர்கள் உயரிய விருதுகளை வழங்கி சிறப்பித்தனர்.

2026-ஆம் ஆண்டிற்கான விருது பெற்றவர்கள் பல்வேறு துறைகளில் நிகழ்த்திய சாதனைகளை இது பிரதிபலிக்கிறது.

விருது பெற்றவர்கள் விபரம்:
திரு. வி. எம். முரளிதரன் (மாற்றத்தை நோக்கிய தலைமைத்துவத்திற்கான ‘ஜெனித்’ ஐகான்): தகவல் தொழில்நுட்பத் துறை மற்றும் பெண்கள் கல்வி மேம்பாட்டிற்கு அவர் ஆற்றிய ஆழமான பங்களிப்பிற்காக அங்கீகரிக்கப்பட்டார்.

திரு. ஆதித்யாராம் (மனிதநேய ஐகான்): சுயமாக முன்னேறிய ரியல் எஸ்டேட் ஜாம்பவான் என்ற அந்தஸ்தையும், சமூக நலனுக்கான அவரது அயராத அர்ப்பணிப்பையும் பாராட்டி கௌரவிக்கப்பட்டார்.

திரு. பி. சிவந்தி ஆதித்தன் பாலசுப்பிரமணியன்: தினத்தந்தி குழுமத்தின் தலைமைத்துவத்தின் மூலம் “மக்களின் குரலை பாதுகாப்பவர்” எனப் போற்றப்பட்டார்.

திருமதி. சிம்ரன் பக்கா: மூன்று தசாப்தங்களாகத் திரைத்துறையில் ஆதிக்கம் செலுத்தி வருவதற்காக “எவர்கிரீன் ஐகான்” (Evergreen Icon) அந்தஸ்து வழங்கப்பட்டது.

திரு. பி. உன்னிகிருஷ்ணன்: கர்நாடக இசை மற்றும் பின்னணி இசை ஆகிய இரண்டிலும் அவர் கொண்டுள்ள அபார தேர்ச்சிக்காகக் கௌரவிக்கப்பட்டார்.

செல்வி. தன்யா ராஜேந்திரன்: சுதந்திரமான டிஜிட்டல் இதழியலில் அவர் காட்டிய அச்சமற்ற தலைமைத்துவத்திற்காக அங்கீகரிக்கப்பட்டார்.

திரு. அலெக்சாண்டர் பாபு: “மியூசிக்கல் ஸ்டாண்ட்-அப்” எனும் புதிய வகை நகைச்சுவை கலையை உருவாக்கியமைக்காகப் பாராட்டப்பட்டார்.

திரு. அஸ்வத் மாரிமுத்து: ‘டிராகன்’ திரைப்படத்தின் மூலம் சமூக ரீதியாகவும் வணிக ரீதியாகவும் மிகப்பெரிய சாதனை படைத்ததற்காகக் கௌரவிக்கப்பட்டார்.

திரு. முரளி நாராயணராவ்: விருந்தோம்பல் துறையில் உலகளாவிய நற்பெயரை உருவாக்கியதில் அவரது பங்கிற்காகக் கௌரவிக்கப்பட்டார்.

செய்தியாளர்களிடம் பேசிய பல்கலைக்கழக நிறுவனர் மற்றும் வேந்தர் முனைவர் ரெஜினா ஜே முரளி கூறுகையில், “ஜேப்பியார் ஐகான் விருதுகள் என்பது வெற்றியை மட்டும் கொண்டாடும் விழா அல்ல, இது எங்கள் மாணவர்கள் பின்பற்ற வேண்டும் என்று நாங்கள் விரும்பும் விழுமியங்களைக் கொண்டாடும் விழா.

விருது பெற்ற இவர்கள், எங்கள் வளாகத்தில் நாங்கள் வளர்க்கும் விடாமுயற்சியின் வாழும் உதாரணங்கள்,” என்றார்.
பல்கலைக்கழகத் தலைவர் திரு. முரளி சுப்பிரமணியன் கூறுகையில், “வெற்றி ஏணியில் ஏறியவர்களை மட்டும் அல்லாமல், மற்றவர்கள் கடந்து செல்ல பாலம் அமைத்துக் கொடுத்தவர்களையும் கௌரவிப்பதில் ஜேப்பியார் பல்கலைக்கழகம் நம்பிக்கை கொள்கிறது.

இன்று, வகுப்பறை பாடங்களுக்கும் நிஜ உலகச் சாதனைகளுக்கும் இடையிலான இடைவெளியை நாங்கள் இந்த விருதுகளின் மூலம் இணைத்துள்ளோம்,” என்றார்.
சமூகத்தை வளப்படுத்திய, தொழில்துறையை மேம்படுத்திய மற்றும் இந்தியாவின் உலகளாவிய அந்தஸ்தை உயர்த்திய இந்தச் சிறந்த ஆளுமைகளைக் கௌரவிப்பதில் ஜேப்பியார் பல்கலைக்கழகம் பெருமிதம் கொள்கிறது.

9-வது பதிப்பு ஜேப்பியார் ஐகான் விருதுகள் 2026, புதுமை மற்றும் தலைமைத்துவத் திறனுடன் வழிநடத்துபவர்களை அங்கீகரிப்பதில் மற்றுமொரு வரலாற்றுச் சாதனையைப் படைத்துள்ளது.