வித்தியாசமான வேடங்களில் நடிகை சாக்–ஷி

தமிழ்த் திரையுலகில் வளர்ந்து வரும் இளம் நடிகை சாக்‌ஷி அகர்வால், எந்த ஒரு கதாபாத்திரம் கொடுத்தாலும், அதில் ஒரு அசாத்தியமான நடிப்பை வெளிப்படுத்த எப்போதும் தவறியதே இல்லை. இயக்குநர் எஸ்.ஏ.சந்திரசேகரின் ‘நான் கடவுள் இல்லை’ படத்தில் முழு நீள ஆக்‌ஷன் அவதாரத்தில் தோன்றிய அவர், தனது அற்புதமான நடிப்பில் ஒரு வித்தியாசமான பரிமாணத்தை காட்டினார். அதே போல் தற்போது நடிகர் பிரபுதேவா நடிப்பில் சமீபத்தில் வெளியான ‘பஹீரா’ படத்திலும் மாறுபட்ட வேடத்தில் நடித்துள்ளார். அவரது கதாபாத்திரம் விமர்சகர்களிடமும் ரசிகர்களிடமும் பெரும் வரவேற்பை பெற்று வருகிறது.
தற்போது, அவர் நடிப்பில் பல திரைப்படங்கள் வெளியீட்டிற்கு தயாராகி வருகின்றன, அவை குறித்த அதிகாரப்பூர்வ அறிவிப்பு விரைவில் அந்தந்த தயாரிப்பு நிறுவனங்களால் வெளியிடப்படும் அதேவேளையில் புதிய பட வாய்ப்புகளும் வரிசை கட்டி நிற்கின்றன. இதனால் நடிகை சாக்–ஷி மகிழ்ச்சியில்.