காதலர்களுக்கு நேரும் ஆபத்தை சொல்லும் ‘இன்னும் ஒரு காதல் பயணம்

மனம் கவர்ந்த காதலர்கள் தனிமையில் சந்தித்து தங்களது அன்பை பரிமாறுவது இயல்பு தான். அப்படி ஒருநாள் நாயகனும் நாயகியும் தனிமையில் சந்தித்தபொழுது தான் இடி என அந்த விபரீதம் நிகழ்ந்தது.அந்த விபரீதத்தால் நடந்தது என்ன? மனம் ஒன்று பட்ட காதலர்கள் தனிமையில் இனிமை காண செல்லும் பொழுது அதுவும் தொடைக்கானலில் காதலர்களுக்கு வரும் ஆபத்துகளை வரிசைப்படுத்தி திரில்லாகவும், திகிலாகவும், விறுவிறுப்பாகவும் சொல்லும் படம் தான் “இன்னும் ஒரு காதல் பயணம்” என்கிறார், படத்தின் இயக்குனர் ஆர்.டி.குஷால் குமார். இவர் இந்த படம் மூலம் இயக்குனராக திரைக்கு அறிமுகமாகிறார்.
கொடைக்கானல் பகுதிகளில் இயற்கை எழில் கொஞ்சும் அழகில் உருவாகி உள்ள இந்த படத்தில் நாயகனாக நவீன், நாயகியாக மலையாள பட உலகில் முன்னணியில் இருக்கும் மெரின் பிலிப் நடிக்கின்றனர்.
வில்லனாக பாடலீஸ்வரன் அறிமுகமாகிறார். சார்லி, ஜி.பி.முத்து, ஜார்ஜ், சுவாமிநாதன், கும்கி அஸ்வின், மதன்பாப், ஜெய்ஆனந்த், கீர்த்தனா, தீபா, மகேந்திரன், காதல் அருண், தியா , மூர்த்தி என நிறையபேர் நடிக்கின்றனர்.

ஞான கரவேல் பாடல்களையும், எஸ்.ஐ. சந்தோஷ்குமார் ஒளிப்பதிவையும், கணேஷ்பாபு படத்தொகுப்பையும், வாரன் சார்லி இசையையும், ராதிகா, விமல் , லோகு மூவரும் நடன பயிற்சியையும், பாப்புலர் பாபு சண்டை பயிற்சியையும் கே.எம்.நந்தகுமார் கலையையும், மகேந்திரன் தயாரிப்பு நிர்வாகத்தையும் கவனிக்கின்றனர்.

‘‘மதுரை மணிக்குறவர்’’ படத்தை காளையப்பா பிக்சர்ஸ் சார்பில் தயாரித்த ஜி.காளையப்பன் அதே நிறுவனத்தில் இந்தப் படத்தை தயாரித்து, முக்கிய வேடத்திலும் நடித்திருக்கிறார்.

புதியவரான ஆர்.டி. குஷால் குமார் ” இன்னும் ஒரு காதல் பயணம்” படத்தின் கதை, திரைக்கதை, வசனம் எழுதி இயக்குனராக அறிமுகமாகிறார்.