விஜய் பட டைரக்டரின் புதிய படத்தில் விமல் நாயகன்

நடிகர் விஜய் நடித்த தமிழன் படத்தை இயக்கியவர் அப்துல் மஜித். தொடர்ந்து ‘துணிச்சல், டார்ச் லைட்’ போன்ற பல படங்களையும் இயக்கியவர், தற்போது விமல், யோகிபாபு நடிக்க புதிய படமொன்றை அதிக பொருட்செலவில் தயாரித்து இயக்கி வருகிறார்.
இப்படத்தின் டைட்டில் விரைவில் அறிவிக்கப் பட உள்ளது.
இன்று உலகமே புரோக்கர் மயமாகி விட்டது. அதில் சில புரோக்கர்கள் தம் சுயநலத்திற்காக வியாபாரத்திலும், தொழில் ரீதியாக மக்களை எப்படியெல்லாம் ஏமாற்றுகிறார்கள்… அதில் மக்கள் எப்படி பாதிக்கப் படுகிறார்கள்… அந்த பாதிப்பில் இருந்து நாயகன் மக்களை எப்படி காப்பாற்றுகிறார் என்பதை காமெடி, சென்டிமென்ட், ஆக்‌ஷன் ரொமான்ஸ் கலந்து ஜனரஞ்சகமாக சொல்கிறது, படம்.
விமல் ஜோடியாக சாம்மிகா, ஐஸ்வர்யா தத்தா நடிக்க, முக்கிய கேரக்டர்களில் யோகிபாபு, மொட்டை ராஜேந்திரன், ரவிமரியாவும் எம்.எஸ்.பாஸ்கர், ஜான் விஜய், பேராசிரியர் ஞானசம்பந்தம், பவர் ஸ்டார், சாம்ஸ், நமோ நாராயணன் இருக்கிறார்கள்.
படத்தின் பெரும் பகுதி படப்பிடிப்பு சென்னையிலும் அதன் சுற்றுப்புறங்களிலும் நடந்து முடிந்துள்ளது. கிளைமாக்ஸ் காட்சி வேலூர், ராணிப்பேட்டை பகுதியில் உள்ள அரண்மனை போன்ற இடத்தில் நடக்க உள்ளது.

கான்ஃபிடன்ட் பிலிம் கேப் (Confident Film Cafe) சார்பில் இப்படத்தை எழுதி இயக்கி தயாரித்து டைரக்டு செய்கிறார் அப்துல் மஜீத்.

பொங்கலுக்கு படத்தை வெளியிட திட்டமிட்டுள்ளனர். முன்னதாக படத்தின் டைட்டில் மற்றும் பர்ஸ்ட் லுக், ஆடியோ வெளியிடப்பட உள்ளது.

வேலு. S
மக்கள் தொடர்பாளர்