ஊமைவிழிகள் 35 ஆம் ஆண்ட்டில் – டைமண்ட் பாபு

கும்பிட போன தெய்வம் எதிரே தோன்றியது போல்….. இன்று திரையுலகில் என்னை திரைப்பட மக்கள் தொடர்பாளாராக அறிமுகப் படுத்திய ‘ஊமைவிழிகள்’ படத் தயாரிப்பாளர் பெருமைக்குரிய ஆபாவணன் அவர்களை சந்திக்க நினைத்த போது…. அவரே என்னை தேடி என் வீட்டுக்கே வந்து என்னை வாழ்த்தி…  எனது வணக்கத்தை ஏற்றுக் கொண்டு ஆசீர்வதித்தார்….

இந்த நாளை அன்றும் சரி…. இன்றும் சரி….. என்னால் மறக்கவே முடியாது…..

என் மீது அளவற்ற அன்பும், மாறா பாசமும் கொண்டிருக்கும் அந்த மாமனிதரை என் வாழ்நாள் உள்ள வரை… நானும், எனது குடும்பத்தினரும், எனது வாரிசுகளும் நினைவில் கொள்வோம்….

‘ஊமைவிழிகள்’ படத்திற்கு பிறகு எத்தனை எத்தனை படங்கள்….. எவ்வளவு புகழ் பெற்ற படங்கள்…. நூறு நாள் படங்கள் … வெள்ளிவிழா படங்கள்…. கோல்டன் ஜூப்ளி படங்கள் என… எல்லா முன்னணி கதாநாயகர்களுடன் பயணிக்கிற அற்புதமான வாய்ப்புகள்….

திரையுலகையும் என்னையும் பிரித்துப் பார்க்க முடியாத அளவுக்கு என் குடும்பமாக சேர்ந்து வாழ்கிற ஒரு அற்புதமான இந்த கலை வாழ்க்கை….

எல்லாமும் இந்த ‘ஊமைவிழிகள்’ அன்று ஏற்படுத்திக் கொடுத்த வாய்ப்பு…. பாதை….

அத்தனை பேருக்கும் வாழ்க்கை கொடுத்த ஊமைவிழிக்கும்… அதன் காரண கர்த்தா ஆபாவணன் சாருக்கும்… இன்னாளில் மீண்டும் நன்றியினை பதிவு செய்து….

மேலும் இன்னாளை இன்ப நாள் ஆக்கிய இறைவனுக்கும் உள்ளார்ந்த உணர்வுப் பூர்வமான நன்றியை பதிவு செய்கிறேன்..

என்றும் அன்புடன்
உங்கள் டைமண்ட் பாபு