ஏழை குடும்பத்தைச் சேர்ந்த 60 மாணவர்களை கல்லூரியில் சேர்க்கும் விஷால்… செய்த உதவிக்கு குவியும் பாராட்டு.!!

நடிகர் விஷால் தன்னுடைய அறக்கட்டளை மூலமாக ஏழை மற்றும் விவசாயக் குடும்பங்களை சேர்ந்த 60 மாணவர்களைக் கல்லூரியில் சேர்க்கிறார்.

திரைத்துறை பிரபலங்கள் பலர் திரைக்கு அப்பால் பல உதவிகளை செய்து திரையில் மட்டுமல்ல தரையிலும் நாங்கள் ஹீரோக்கள் என்று நிரூபித்து வருகின்றனர். தமிழ் சினிமாவிலும் பல நடிகர்கள் கல்வி சம்பந்தப்பட்ட பல உதவிகளை தங்கள் அறக்கட்டளை மூலம்  செய்து வருகின்றனர்.

நடிகர் சூர்யா குடும்பத்தினர் அகரம் அறக்கட்டளை மூலமாக வருடந்தோறும் நூற்றுக்கணக்கான மாணவர்கள் வாழ்வில் ஒளி ஏற்றி வருகின்றனர்.

இந்நிலையில் தற்போது நடிகர் விஷால் தான் நடத்திவரும் தேவி அறக்கட்டளை மூலமாக 12ஆம் வகுப்பில் அதிக மதிப்பெண் பெற்று, கல்லூரியில் சேர வசதி இல்லாத ஏழை மற்றும் விவசாய குடும்பங்களை சேர்ந்த 60 மாணவர்களை கல்லூரியில் சேர்க்கிறார். இதையடுத்து விஷாலுக்கு பாராட்டுக்கள் குவிந்து வருகிறது.